கன்னியாகுமரியில் உள்ள மியூசியத்தில் விஜய்யின் மெழுகுச்சிலை வைக்கப்பட்டுள்ளது. உலக, இந்திய, மற்றும் திரையுலக பிரமுகர்களின் பல மெழுகுச்சிலைகள் இந்த மியூசியத்தில் வைக்கப்பட்டுள்ள நிலையில் தமிழ் நடிகருக்கு மெழுகுச்சிலை முதல்முறையாக விஜய்க்குத்தான் வைக்கப்பட்டுள்ளது என்பது குறிப்பிடத்தக்கது.

உலகின் முக்கிய சுற்றுலா தளங்களில் கன்னியாகுமரி. சூரிய உதயம், சூரிய மறைவு, முக்கடல் சங்கமிப்பு என பல முக்கிய நிகழ்வுகள் இருக்கும் இந்த குமரியில் ரயில் நிலையம் அருகே மாயாபுரி- மெழுகுச்சிலை அருங்காட்சியகம் ஒன்று உள்ளது. இதில் அப்துல் கலாம், மன்மோகன்சிங், அமிதாப்பச்சன், அன்னை தெரஸா, ஒபாமா, மோகன்லால், ஷாருக்கான் உள்பட பல பிரபலங்களின் மெழுக்குச்சிலை வைக்கப்பட்டுள்ளது.

இந்த நிலையில் நேற்று தளபதி விஜய்யின் மெழுகு சிலை விஜய் மக்கள் இயக்க ரசிகர்களால் பொது மக்கள் பார்வைக்கு வைக்கப்பட்டது. தளபதி விஜய்யின் மெழுகு சிலையை விஜய் ரசிகர்கள் மட்டுமின்றி சுற்றுலா பயணிகளும் கண்டு ரசிப்பதோடு, அதனுடன் புகைப்படம் எடுத்தும் வருகின்றனர்.