ஐபிஎல் தொடரின் இறுதி போட்டியில் சிஎஸ்கே அணிக்கு கோப்பையை பெற்றுத்தர வேண்டும் என்ற வெறியோடு விளையாடிய வாட்சன், முழங்காலில் காயம் ஏற்பட்டு ரத்தம் கசிந்த நிலையிலும் அணிக்காக தீவிரமாக விளையாடினார். இருப்பினும் துரதிஷ்டவசமாக அவருடைய ரன் அவுட் போட்டியை மாற்றிவிட்டது. தோல்வி அடைந்தாலும் வாட்சனின் முயற்சிக்கு உலகம் முழுவதும் பாராட்டுக்கள் குவிந்தது.

இந்த நிலையில் வாட்சன் தற்போது தனது சமூக வலைத்தளத்தில் வீடியோ ஒன்றை வெளியிட்டுள்ளார். அதில், 'மும்பை அணியுடனான இறுதி போட்டியில் வெற்றிக்கோட்டிற்கு மிக அருகில் வந்தோம். இது ஒரு அருமையான போட்டியாக அமைந்தது. அடுத்த ஐபிஎல் போட்டியில் இதைவிட அதிக வலிமையுடன் வெற்றிக்காக உழைப்போம் என்றும் வாட்சன் தனது சமூக வலைத்தளத்தில் குறிப்பிட்டுள்ளார்.

வாட்சனின் இந்த வீடியோ தற்போது அனைத்து சமூக வலைத்தளங்களிலும் வைரலாகி வருவதோடு, மீண்டும் அவரது அதிரடி ஆட்டத்தை காண காத்திருப்பதாக பலர் கமெண்ட்டுக்களை பதிவு செய்து வருகின்றனர்.

The most awaited video in the last 3 days is finally here! Get well soon, #WattoMan! Just can't wait for some #yellove T20 in 2020! @ShaneRWatson33 #KNEEngaVeraLevel #WhistlePodu ???? pic.twitter.com/ns5CokDbpT

— Chennai Super Kings (@ChennaiIPL) May 16, 2019