இசையமைப்பாளரும் நடிகருமான ஜிவி பிரகாஷ், கோலிவுட் திரையுலகில் பிசியான நட்சத்திரங்களில் ஒருவர். ஒவ்வொரு ஆண்டும் அவர் நடித்த அதிக திரைப்படங்கள் வெளியாகி கொண்டிருக்கும் நிலையில் இந்த ஆண்டு இதுவரை இரண்டு படங்கள் வெளிவந்திருந்தாலும் சுமார் பத்து படங்களில் நடித்து வருகிறார். இந்த படங்கள் அனைத்தும் மிக விரைவில் வெளியாகவுள்ளது.

இந்த நிலையில் இயக்குனர் ஏ.எல்.விஜய் இயக்கத்தில் ஜிவி பிரகாஷ் நடித்து வரும் திரைப்படத்தின் டைட்டிலுடன் கூடிய ஃபர்ஸ்ட்லுக் தற்போது வெளிவந்துள்ளது. இந்த படத்திற்கு 'வாட்ச்மேன்' என்ற டைட்டில் உறுதி செய்யப்பட்டுள்ளது.

மேலும் இந்த படம் வரும் பொங்கல் தினத்தில் வெளியாகும் என ஃபர்ஸ்ட்லுக்கில் குறிப்பிடப்பட்டுள்ளது. ரஜினியின் 'பேட்ட' மற்றும் அஜித்தின் 'விஸ்வாசம்' ஆகிய திரைப்படங்கள் பொங்கலுக்கு ரிலீஸாகவுள்ள இந்த படமும் வெளியாகவுள்ளதாக அறிவிக்கப்பட்டுள்ளது என்பது குறிப்பிடத்தக்கது

மேலும் இந்த படத்தின் டீசர் இன்று மாலை 5 மணிக்கு வெளியாகவுள்ளது என்பது குறிப்பிடத்தக்கது.