`ఫైర్ యాక్సిడెంట్ జ‌రిగింది మా సెట్లో కాదు. మా హీరో గ‌తంలో షూటింగ్‌ చేసిన సెట్లో. అయినా ఆ సెట్లో మా హీరో సినిమా చేసిన త‌ర్వాత బోలెడ‌న్ని సినిమాల షూటింగ్‌లు జ‌రిగాయి. ఇప్పుడు ఆ సెట్‌లో అగ్ని ప్ర‌మాదం జ‌రిగినంత మాత్రాన మాకు వ‌చ్చిన న‌ష్టం ఏమాత్ర‌మూ లేదు` అని స్టార్ హీరో న‌టిస్తున్న సినిమా చిత్ర యూనిట్ మెంబ‌ర్ విష‌యాన్ని ప‌టాపంచ‌లు చేసేశాడు. ఇంత‌కీ ఎవ‌రా స్టార్ హీరో? ఏమిటా సెట్టు క‌థ అని ఆరాతీస్తే ఆస‌క్తిక‌ర‌మైన అంశాలే వెలుగులోకి వ‌చ్చాయి.

స్టార్ హీరో విజ‌య్ న‌టిస్తున్న తాజా చిత్రానికి అట్లీ ద‌ర్శ‌కుడు. వీరి సినిమా కోసం వేసిన భా.. రీ సెట్లో శుక్ర‌వారం ఉద‌యం అగ్ని ప్ర‌మాదం చోటుచేసుకుంది. షార్ట్ స‌ర్క్యూట్ వ‌ల్ల ఈ ప్ర‌మాదం జ‌రిగింద‌ని వినికిడి. దీని వ‌ల్ల విజ‌య్ సినిమా ఆల‌స్యం అవుతుంద‌ని వార్త‌లొచ్చాయి. కానీ అందులో నిజం లేద‌ని, తాజా షూటింగ్‌కూ, ఆ సెట్టుకూ సంబంధం లేద‌ని, ప్ర‌స్తుత సినిమా కోసం మ‌రో సెట్టును రూపొందించామ‌నీ చిత్ర యూనిట్ స్ప‌ష్టం చేసింది. కాలిన సెట్టు గ‌తంలో `మెర్స‌ల్‌` సినిమా కోసం వేసింద‌ని కూడా యూనిట్ తెలిపింది.