பிரபல ஆஸ்திரேலிய கிரிக்கெட் வீரர் டேவிட் வார்னர் இந்த கொரோனா விடுமுறையில் தமிழ் தெலுங்கு மற்றும் இந்தி திரைப்படங்களின் பாடல்களுக்கு நடனமாடி அதுகுறித்த வீடியோக்களை தனது சமூக வலைத்தளத்தில் வெளியிட்டு வருகிறார் என்பது தெரிந்ததே. குறிப்பாக ’தேவர் மகன்’ படத்தில் இடம்பெற்ற இஞ்சி இடுப்பழகி, ’ஜென்டில்மேன்’ படத்தில் இடம்பெற்ற ஒட்டகத்தை கட்டிக்கோ, பிரபுதேவா நடித்த ’காதலன்’ திரைப்படத்தில் இடம்பெற்ற ’முக்காலா முக்காபுலா’ முதல் ’ஹவுஸ்புல் 4’ என்ற படத்தில் இடம்பெற்ற ’பாலா பாலா’ மற்றும் சமீபத்தில் வெளியான மகேஷ்பாபு படத்தின் பாடல்கள் வரை வார்னர், தனது மனைவி மற்றும் குழந்தைகளுடன் நடனமாடி வருகிறார்.

இந்த நிலையில் தற்போது முதல்முறையாக டபுள் ஆக்சன் வீடியோவை முயற்சித்துள்ளார் வார்னர். தனுஷ் நடித்த ‘3’ படத்தில் இடம்பெற்ற ‘வொய் திஸ் கொலைவெறி’ பாடலுக்கு வார்னர் டபுள் ஆக்சனில் தோன்றும் வீடியோவும், அதை எடிட் செய்த விதமும் மிகவும் அருமையாக இருப்பதாக நெட்டிசன்கள் பாராட்டி வருகின்றனர்.

இதேபோன்று இன்னும் பல வீடியோக்களை வார்னர் வெளியிட வேண்டும் என அவரது ரசிகர்கள் கோரிக்கை விடுத்து வருகின்றனர். அதுமட்டுமின்றி தங்கள் விருப்பத்துக்குரிய ஹீரோக்களின் பெயரை குறிப்பிட்டு அவரது பாடலுக்கும் நடனமாடுங்கள் என்ற கோரிக்கையையும் ரசிகர்கள் எழுப்பி வருகின்றனர் என்பது குறிப்பிடத்தக்கது.
 

View this post on Instagram

This is how I got ready for my first day back at training?? wish it was this easy!! #trending #challenge #fun #mondaymotivation

A post shared by David Warner (@davidwarner31) on Jun 1, 2020 at 3:39am PDT