విక్ర‌మ్ కుమార్‌తో వైజ‌యంతీ మూవీస్?
- IndiaGlitz, [Wednesday,May 16 2018]
'మ‌హాన‌టి' సంచ‌ల‌న విజ‌యం వైజ‌యంతీ మూవీస్‌కు కొత్త ఉత్సాహాన్ని ఇచ్చింది. గ‌తంలో ప‌లు విజ‌య‌వంత‌మైన చిత్రాల‌ను నిర్మించిన ఈ భారీ బ‌డ్జెట్ చిత్రాల నిర్మాణ సంస్థ.. గ‌త కొంత కాలంగా వ‌రుస ప‌రాజ‌యాలు చ‌విచూస్తోంది.
ఈ నేప‌థ్యంలో.. మ‌హాన‌టి సావిత్రి జీవితం ఆధారంగా తెర‌కెక్కిన ఈ బ‌యోపిక్ క‌మ‌ర్షియ‌ల్‌గా విజ‌యం సాధించ‌డ‌మే కాకుండా.. సంస్థ‌కు స‌రికొత్త ఇమేజ్ తీసుకువ‌చ్చింది. ఈ నేప‌థ్యంలో వైజ‌యంతీ మూవీస్ సంస్థ అధినేత అశ్వనీదత్ వ‌రుస చిత్రాల‌ను నిర్మించే దిశ‌గా ప్ర‌ణాళిక‌లు చేసుకుంటున్నారు. ప్ర‌స్తుతం నాగార్జున, నానితో ఓ మ‌ల్టీస్టార‌ర్ మూవీ నిర్మిస్తున్న అశ్వనీదత్.. అతి త్వ‌ర‌లో మ‌హేష్ బాబు 25వ చిత్రాన్ని దిల్ రాజు భాగ‌స్వామ్యంలో నిర్మించ‌నున్నారు.
అలాగే ఎన్టీఆర్‌తోనూ ఓ సినిమా చేసేందుకు ద‌త్ ప్లాన్ చేసుకున్నారు. వీటితో పాటు.. ఇష్క్‌, మనం, 24, హ‌లో చిత్రాల ద‌ర్శ‌కుడు విక్ర‌మ్ కె.కుమార్ ద‌ర్శ‌క‌త్వంలోనూ ఓ చిత్రాన్ని చేసేందుకు స‌న్నాహాలు జ‌రుగుతున్నాయ‌ని తెలిసింది. త్వ‌ర‌లోనే విక్ర‌మ్ కుమార్, అశ్వనీదత్ చిత్రంపై క్లారిటీ వ‌స్తుంది.