വൈശാഖ് ഉദയകൃഷ്ണ ചിത്രത്തിൽ മമ്മൂട്ടി നായകൻ
- IndiaGlitz, [Tuesday,July 25 2017]
സംവിധായകൻ വൈശാഖും തിരക്കഥാകൃത്ത് ഉദയകൃഷ്ണയും നിർമ്മാതാക്കളാകുന്നു. വൻ വിജയമായ പുലിമുരുകന് ശേഷം ഇരുവരും ഒന്നിക്കുന്ന ചിത്രത്തിൽ മമ്മൂട്ടിയാണ് നായകൻ. പോക്കിരി രാജയിൽ മമ്മൂട്ടി അവതരിപ്പിച്ച രാജ എന്ന കഥാപാത്രത്തെ വീണ്ടും അവതരിപ്പിക്കുന്ന രാജ 2 എന്ന മമ്മൂട്ടിച്ചിത്രം ടോമിച്ചൻ മുളകുപാടത്തിന് വേണ്ടി ഇരുവരും പ്ലാൻ ചെയ്തിരുന്നു. എന്നാൽ പുതിയ ചിത്രം രാജ 2 ആണോയെന്ന കാര്യത്തിൽ ഔദ്യോഗിക സ്ഥിരീകരണമുണ്ടായിട്ടില്ല.
ഈ വർഷം ഒടുവിൽ ചിത്രീകരണമാരംഭിക്കുന്ന ഈ ചിത്രം അടുത്ത വിഷുവിന് തിയേറ്ററുകളിലെത്തും. ഉദയകൃഷ്ണ രചന നിർവഹിക്കുന്ന ചിത്രം ഒരു മാസ് എന്റർടെയ്നറായിരിക്കുമെന്നാണ് സൂചന. മമ്മൂട്ടി ഇപ്പോഴഭിനയിക്കുന്ന അജയ് വാസുദേവ് ചിത്രം മാസ്റ്റർ പീസിന്റെ രചന നിർവഹിക്കുന്നതും ഉദയകൃഷ്ണയാണ്. ഉദയകൃഷ്ണയുടെ വിതരണ കമ്പനിയായ യു.കെ. സ്റ്റുഡിയോസാണ് ഇരു ചിത്രങ്ങളും തിയേറ്ററുകളിലെത്തിക്കുന്നത്.