சகோதர பாசத்துடன் ரஜினியை வாழ்த்திய சசிகலா!
- IndiaGlitz, [Sunday,December 12 2021]
சூப்பர் ஸ்டார் ரஜினிகாந்த் அவர்கள் இன்று தனது பிறந்தநாளை கொண்டாடி வரும் நிலையில் அவருக்கு ஏராளமான ரசிகர்கள் சமூக வலைதளங்கள் மூலம் பிறந்தநாள் வாழ்த்துக்களை தெரிவித்து வருகின்றனர் என்பதை பார்த்து வருகிறோம். குறிப்பாக ஒட்டுமொத்த திரையுலகமும் அவருக்கு வாழ்த்து தெரிவித்தது என்பதும் பிரதமர் மோடி, உள்துறை அமைச்சர் அமித் ஷா, முதலமைச்சர் முக ஸ்டாலின், சச்சின் டெண்டுல்கர், ஹர்பஜன் சிங் உள்ளிட்ட பல பிரபலங்கள் அவருக்கு வாழ்த்து தெரிவித்தனர் என்பது குறிப்பிடத்தக்கது.
இந்த நிலையில் அதிமுக பொதுச் செயலாளர் அறிக்கையின் வாயிலாக சசிகலாவும் ரஜினிக்கு பிறந்தநாள் வாழ்த்துக்களை தெரிவித்துள்ளார். அவரது பிறந்த நாள் வாழ்த்துக் கூறி இருப்பதாவது:
என் அன்பு சகோதரர் ரஜினிகாந்திற்கு என் இதயம் கனிந்த பிறந்தநாள் நல்வாழ்த்துக்களை தெரிவித்துக்கொள்கிறேன். தங்களது அன்பும் நட்பும் சகோதரத்துவமும் என்றென்றும் நிலைத்திருக்க எந்நாளும் இறைவனின் அருள் கிடைக்க வேண்டும்.
நீண்ட ஆயுளோடும் நல்ல சுகத்தோடும் என்றென்றும் மகிழ்ச்சியோடு வாழ எல்லாம் வல்ல ஆண்டவனை வேண்டுகிறேன் என்று தெரிவித்துள்ளார். சமீபத்தில் சூப்பர் ஸ்டார் ரஜினிகாந்த் அவர்களை சசிகலா நேரில் சென்று சந்தித்தார் என்பது குறிப்பிடத்தக்கது.