10 ஆண்டாக திருமணத்தை மறைத்தது ஏன்? 'குக் வித் கோமாளி' பிரபலம் விளக்கம்!
- IndiaGlitz, [Thursday,February 18 2021]
விஜய் டிவியில் ஒளிபரப்பாகி வரும் ‘குக் வித் கோமாளி நிகழ்ச்சி அனைவரையும் கவர்ந்தது என்பதும் இந்த நிகழ்ச்சியில் குக்’களும், கோமாளிகளும் தரும் நகைச்சுவை நான் ஸ்டாப்பாக இருப்பதால் இந்த நிகழ்ச்சிக்கு நாளுக்கு நாள் ரசிகர்கள் அதிகரித்து கொண்டே உள்ளனர் என்பதும் குறிப்பிடத்தக்கது.
இந்த நிலையில் இந்த நிகழ்ச்சியை தொகுத்து வழங்கும் ரக்ஷன் சமீபத்தில் தனது இன்ஸ்டாகிராம் பக்கத்தில் மனைவியுடன் இருக்கும் புகைப்படத்தை வெளியிட்டு தனக்கு திருமணமாகி 10 வருடங்கள் ஆகி விட்டதாக தெரிவித்திருந்தது அனைவருக்கும் அதிர்ச்சியை ஏற்படுத்தியது.
இதற்கு முன்னர் கலக்கப்போவது யாரு என்ற நிகழ்ச்சியை தொகுத்து வழங்கிக் கொண்டிருந்த போது அந்த நிகழ்ச்சியை தொகுத்து வழங்கிய சக தொகுப்பாளினி ஜாக்குலினுடன் காதல் என்றும் கிசுகிசு கிளம்பியபோதுகூட அவர் தனக்கு திருமணமானதை தெரிவிக்கவில்லை என்பது குறிப்பிடத்தக்கது.
இந்த நிலையில் தற்போது ரக்சன் திருமணமானதை ஏன் 10 ஆண்டுகளாக மறைத்தார் என்ற ரசிகர்களின் கேள்விக்கு விளக்கம் அளித்துள்ளார். அதில் ’தினமும் நம்முடைய ஸ்டேட்டஸில் எப்படி காதலிக்கிறோம் என்று சொல்லிக் கொண்டிருப்பதை விட எப்படி காதலித்தோம் என அனைவரையும் திரும்பி பார்க்க வைத்தது தான் உண்மையான காதலின் வெற்றி’ என்று குறிப்பிட்டுள்ளார். ரக்சனின் இந்த பதில் ரசிகர்களை வெகுவாக கவர்ந்துள்ளது.