விஜய் டிவி பிரபலத்தின் மனைவியுடன் விஜே சித்ரா: வைரல் புகைப்படம்
- IndiaGlitz, [Friday,March 05 2021]
சின்னத்திரை நடிகை சித்ரா கடந்த சில மாதங்களுக்கு முன்பு திடீரென தனியார் ரிசார்ட் ஒன்றில் தற்கொலை செய்து கொண்ட சம்பவம் சின்னத்திரை உலகில் பெரும் பரபரப்பை ஏற்படுத்தியது. இதுகுறித்து விசாரணை செய்துவரும் போலீசார் சித்ராவின் கணவர் ஹேமந்தை கைது செய்து சிறையில் அடைத்தனர் என்பதும் தற்போது அவர் ஜாமீனில் வெளியே வந்துள்ளார் என்பதும் இது குறித்த வழக்கு நீதிமன்றத்தில் நடைபெற்று வருகிறது என்பதும் குறிப்பிடத்தக்கது.
இந்த நிலையில் சித்ராவின் வெளிவராத சில புகைப்படங்கள் அவ்வப்போது சமூக வலைதளங்களில் வெளிவந்து சித்ராவை ரசிகர்கள் மத்தியில் ஞாபகப்படுத்தி வருகிறது. அந்த வகையில் தற்போது விஜய் டிவி பிரபலமான மாகாபா ஆனந்த் மற்றும் அவருடைய மனைவியுடன் விஜே சித்ரா இருக்கும் புகைப்படம் சமூக வலைதளங்களில் வைரலாகி வருகிறது.
இந்த புகைப்படத்திற்கு ரசிகர்கள் உருக்கமாக கமெண்ட்ஸ்களை பதிவு செய்து வருகின்றனர் என்பதும் வழக்கம்போல் லைக்ஸ்கள் குவிந்து வருகின்றன என்பதும் குறிப்பிடத்தக்கது.