త‌మిళ స్టార్ అజిత్ ఇప్పుడు డైరెక్ట‌ర్ శివ‌తో వ‌రుస‌గా చేస్తున్న నాలుగో సినిమా `వివేకం`.ఈ సినిమా ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాల‌ను జ‌రుపుకుంటుంది. స‌త్య‌జ్యోతి ఫిలింస్ బ్యాన‌ర్‌పై నిర్మిత‌మ‌వుతున్న ఈ సినిమాలో కాజ‌ల్ అగ‌ర్వాల్ హీరోయిన్‌గా న‌టిస్తుంది. ఆరంభం, వీరం, వేదాళం వంటి వ‌రుస హిట్స్ త‌ర్వాత అజిత్ చేస్తున్న సినిమా ఇది. శివ దర్శ‌క‌త్వంలో తెర‌కెక్కుతోన్న ఈ చిత్రం టీజ‌ర్ సెన్సేష‌న్ క్రియేట్ చేస్తుంది. యూట్యూబ్‌లో ఎక్కువ లైక్‌లు సంపాదించుకున్న టీజ‌ర్‌కు నేష‌న‌ల్ వైడ్ వివేకం(త‌మిళంలో వివేగం) రావ‌డం విశేషం.

దాదాపు ఐదు ల‌క్ష‌ల‌కు పైగా లైక్స్‌తో రావ‌డం చూస్తుంటే సినిమాపై ఎంత‌టి భారీ అంచ‌నాలున్నాయో అర్థ‌మ‌వుతుంది. సినిమాను తెలుగు, త‌మిళంలో ఆగ‌స్ట్ 10న విడుద‌ల చేయ‌బోతున్నారు. తెలుగులో వంశ‌ధార క్రియేష‌న్స్ బ్యాన‌ర్‌పై న‌వీన్ శొంఠినేని ఈ చిత్రాన్ని తెలుగు ప్రేక్ష‌కుల‌కు అందిస్తున్నారు.