தமிழகத்தில் தற்போது காவிரி மேலாண்மை வாரியம் மற்றும் ஸ்டெர்லைட் பிரச்சனைகள் கொழுந்துவிட்டு எரிந்து வருகின்றன. மக்கள் உணர்ச்சி பெருக்குடன் தெருவில் இறங்கி போராட ஆரம்பித்துவிட்டதால் மத்திய அரசு பெரும் கலக்கத்தில் உள்ளது. அதே சமயம் கர்நாடக தேர்தல் காரணமாக காவிரி விஷயத்தில் முடிவெடுக்க முடியாமல் திணறி வருகின்றது.

இந்த நிலையில் நடிகர் விவேக், காவிரி மற்றும் ஸ்டெர்லைட் பிரச்சனைக்காக சமூக வலைத்தளத்தில் தனது கருத்தை தெரிவித்துள்ளார். கட் அவுட் பாலாபிஷேகம், தனி மனித துதி, கிரிக்கெட், சினிமா மோகம் எல்லாவற்றுக்கும் கொஞ்சம் ஓய்வு கொடுக்கலாமே. மேலும் காவிரியும், தூத்துக்குடியும் நம் வாழ்வாதாரப் போராட்டம். இளைஞர்களின் வலுவான போராட்டத்தை சார்ந்தே வெற்றி இருக்கிறது, முடிவு செய்யுங்கள் என்று கூறியுள்ளார்.

அதேபோல் ஸ்டெர்லைட் குறித்து அவர் அரசுக்கு வைக்கும் கோரிக்கையாக 'சில பிரச்சனைகளை அரசு மூளை கொண்டு யோசிக்காமல் , இருதயத்தால் யோசித்தால்... தீர்வு கிடைக்கும். இதைத் தான் விவேகானந்தர் கூறினார்' என்றும் நடிகர் விவேக் கூறியுள்ளார்.