அறிவியல் வளர்ந்த அளவு இதயம் வளரவில்லையே! நடிகர் விவேக் வேதனை
- IndiaGlitz, [Saturday,June 16 2018]
மகாராஷ்டிரா மாநிலத்தில் உயர் சாதியினருக்கு சொந்தமான கிணற்றில் குளித்த தலித் சிறுவர்கள் மீது நடத்தப்பட்ட கொடூர தாக்குதல் குறித்த வீடியோ ஒன்று நேற்று சமூக வலைத்தளங்களில் பரவி பெரும் அதிர்ச்சியை ஏற்படுத்தியது. காங்கிரஸ் தலைவர் ராகுல்காந்தி உள்பட பல அரசியல்வாதிகள், சமூக நல ஆர்வலர்கள் ஆகியோர் இந்த் சம்பவத்திற்கு கண்டனம் தெரிவித்தனர்.
இந்த நிலையில் இந்த சம்பவத்திற்கு நடிகர் விவேக் தனது சமூக வலைத்தளத்தில் வருத்தம் கலந்த கண்டனத்தை தெரிவித்துள்ளார். அதில் அவர் கூறியிருப்பதாவது: மராட்டியத்தில் தலித் சிறுவர்களுக்கு நடந்த கொடுமை, வேதனை. தேசத்தின் வெட்கம். நாம் அனைவரும் முதலில் மனிதர்கள்; சகோதரர்கள். பின்பு இந்தியர்கள். அறிவியல் வளர்ந்த அளவு இதயம் வளரவில்லையே! என்று கூறியுள்ளார்.
நடிகர் விவேக்கின் இந்த டுவீட்டை சமூக வலைத்தள பயனாளிகள் பலர் பாராட்டி வருகின்றனர். இருப்பினும் இதேபோன்று பல கொடுமைகள் தமிழகத்தில் நடைபெற்றபோது விவேக் குரல் கொடுக்காதது ஏன் என்றும் சிலர் கேள்வி எழுப்பியுள்ளனர்.
மராட்டியத்தில் தலித் சிறுவர்களுக்கு நடந்த கொடுமை,வேதனை. தேசத்தின் வெட்கம். நாம் அனைவரும் முதலில் மனிதர்கள்;சகோதரர்கள். பின்பு இந்தியர்கள். அறிவியல் வளர்ந்த அளவு இதயம் வளரவில்லையே!
— Vivekh actor (@Actor_Vivek) June 16, 2018