மதுரையில் ராமு தாத்தா ஹோட்டல் என்றால் தெரியாதவர்கள் இருக்கமாட்டார்கள். மிக குறைந்த விலையில் தரமான உணவை அந்த பகுதி மக்களுக்கு அவர் அளித்து வந்தார் என்பது குறிப்பிடத்தக்கது

மதுரை ராமு தாத்தாவின் ஓட்டலில் சாதம், சாம்பார், ரசம், மோர், ஊறுகாய் உடன் கூடிய சாப்பாடு வெறும் 10 ரூபாய் என்பது குறிப்பிடத்தக்கது. அதேபோல் 3 இட்லி பத்து ரூபாய், பொங்கல் பத்து ரூபாய், தோசை பத்து ரூபாய், வடை ஐந்து ரூபாய் என மிக குறைந்த விலையில் தரமான உணவை கடந்த பல ஆண்டுகளாக அவர் வழங்கி வருகிறார்

இந்த நிலையில் மதுரை ராமு தாத்தா இன்று வயது முதிர்வு காரணமாக காலமானார். அவரது மறைவு மதுரை மக்களையே மிகப்பெரிய அளவில் சோகத்திற்கு உள்ளாக்கியது. இந்த நிலையில் மதுரை ராமு தாத்தா மறைவு குறித்து நடிகர் விவேக் தனது சமூக வலைத்தளத்தில் கூறியிருப்பதாவது:

மதுரை ராமு தாத்தா! உங்கள் உடல் மரிக்கலாம்; நீங்கள் போட்ட உணவு செரிக்கலாம்; ஆனால் உங்கள் நினைவு பசியாறியவர் நெஞ்சில் நீங்காமல் நிலைக்கும்! (17 வயதில் வடலூர் வள்ளலாரால் ஈர்க்கப்பட்டு இவ்வாறு வாழ்ந்திருக்கிறார்) தன் தொழிலை சேவையாக மாற்றும் அனைவரும் தெய்வங்களே!!! வீரமும் ஈரமும் நிரம்பிய மண் அல்லவா மதுரை!’ என்று பதிவு செய்துள்ளார்.

மதுரை ராமு தாத்தா! உங்கள் உடல் மரிக்கலாம்; நீங்கள் போட்ட உணவு செரிக்கலாம்; ஆனால் உங்கள் நினைவு பசியாறியவர் நெஞ்சில் நீங்காமல் நிலைக்கும்!(17 வயதில் வடலூர் வள்ளலாரால் ஈர்க்கப்பட்டு இவ்வாறு வாழ்ந்திருக்கிறார்) pic.twitter.com/p8zI4nTti1

— Vivekh actor (@Actor_Vivek) July 12, 2020