தமிழ் சினிமாவின் மாபெரும் நகைச்சுவை நடிகராக வலம் வருபவர் நடிகர் விவேக். இவர் ஒரு இசைக்கலைஞர் என்பது பலருக்கும் தெரிந்த ஒன்றுதான். அந்த வகையில் பல பிரபலமான இசை வீடியோக்களையும் ஆளுமைகளையும் தொடர்ந்து நடிகர் விவேக் ரசிகர்களுக்கு அறிமுகப்படுத்தி வைப்பார்.

அந்த வகையில் தற்போது இசைஞானி இளையராஜாவின் உற்ற நண்பரும் பழம்பெரும் பியானோ இசைக் கலைஞருமான திரு.ராவ் அவர்களின் பியானோ வீடியோ ஒன்றை தனது டிவிட்டர் பக்கத்தில் நடிகர் விவேக் வெளியிட்டு உள்ளார். மேலும் அந்தப் பதிவில் திரு.ராவ்விற்கும் இளையராஜாவிற்கு உள்ள நட்பு பற்றிய சில அரிய தகவல்களையும் தெரிவித்து உள்ளார்.

அதில், “இவர்தான் திரு.ராவ். தற்போது இருக்கும் ஒரே மூத்த பியானோ ட்யூனர் கலைஞராவார். இவரும் இளையராஜா அவர்களும் ஒன்றாக தன்ராஜ் மாஸ்டரிடம் கற்றனர். ஒருவர் வெஸ்டர்ன் மியூசிக் கற்றார். மற்றவர் ட்யூனிங் கற்றார். ஒருவரது மெட்டுகள் மனதை மயக்கும், மற்றவருடைய மெட்டுகள் தேனாய் பாயும்” எனப் பதிவிட்டு உள்ளார். இந்தப் பதிவு தற்போது சமூக வலைத்தளத்தில் படு வைரலாகி வருகிறது.

He is Mr.Rao , the only senior most piano tuner available!! He n ilayaraja sir learnt under Dhanraj https://t.co/19AhWXTBNr learnt western n another learnt tuning! Tunes of one is spell bounding ! Tuning of another is great sounding!! pic.twitter.com/iidrsVYwG9

— Vivekh actor (@Actor_Vivek) March 15, 2021