'அஜித் 57' படப்பிடிப்பில் கலந்து கொள்வது எப்போது? விவேக் ஓபராய்
- IndiaGlitz, [Wednesday,November 23 2016]
தல அஜித் நடித்து வரும் 'தல 57' படத்தின் படப்பிடிப்பு பல்கேரியாவில் நடைபெற்று வருகிறது. இந்த படப்பிடிப்பில் நேற்று முதல் அஜித்துடன் அக்சராஹாசன் கலந்து கொண்டார் என்று வெளிவந்த செய்தியினை ஏற்கனவே பார்த்தோம்.
இந்நிலையில் இந்த படத்தின் வில்லனாக பிரபல பாலிவுட் நடிகர் விவேக் ஓபராய் நடிப்பதாக செய்தி வெளிவந்தது. இந்த செய்தியை விவேக் ஓபராய் அவர்களே தற்போது உறுதி செய்துள்ளார். நேற்று நடைபெற்ற திரைப்பட விழா ஒன்றில் பேசிய விவேக் ஓபராய், 'ஒன் அண்ட் ஒன்லி சூப்பர் ஸ்டார் அஜித்துடன் ஒரு தமிழ் படத்தில் நடிக்கவுள்ளேன். இந்த படத்தின் படப்பிடிப்பில் இம்மாத இறுதியில் கலந்து கொள்ளவுள்ளேன். அஜித் அண்ணா அவர்களுடன் இணைந்து நடிப்பதில் நான் உண்மையிலேயே பெருமைப்படுகிறேன்' என்று கூறியுள்ளார்.
ரஜினியின் '2.0' படத்தில் வில்லனாக அக்சயகுமார் நடித்து வருவதை அடுத்து இன்னொரு பிரபல பாலிவுட் ஹீரோ விவேக் ஓபராய், தற்போது அஜித்தின் 'தல 57' படத்தில் வில்லனாக நடிப்பது உறுதி செய்யப்பட்டுள்ளது.
சிறுத்தை சிவா இயக்கத்தில், அனிருத் இசையமைப்பில் உருவாகி வரும் இந்த படத்தில் அஜித்துக்கு ஜோடியாக காஜல் அகர்வால் நடித்து வருகிறார் என்பது குறிப்பிடத்தக்கது.