சிறுத்தை சிவா இயக்கத்தில் அஜித் நடித்த 'விவேகம்' திரைப்படத்தின் படப்பிடிப்புகள் 97% வெளிநாட்டில் படமாக்கப்பட்டது என்பது அனைவரும் அறிந்ததே. குறிப்பாக பல்கேரியாவில் இந்த படத்தின் படப்பிடிப்புகள் நடைபெற்றபோது மைனஸ் 5 டிகிரி வெப்பநிலை இருந்ததாம்.

இதுகுறித்து பேட்டி ஒன்றில் கூறிய இந்த படத்தில் முக்கிய கேரக்டரில் நடித்துள்ள விவேக் ஓபராய், 'பல்கேரியாவில் மைனஸ் 5 டிகிரி வெப்பநிலையில் படப்பிடிப்பு நடந்தபோது அனைவரும் சட்டைக்கு மேல் சட்டை போட்டிருந்தும் நடுங்கி கொண்டிருப்போம். ஆனால் அந்த குளிரில் அஜித் அசால்ட்டாக சட்டையை கழற்றிவிட்டு வெற்றுடம்புடன் சில காட்சிகள் நடித்தபோது அவருடைய டெடிகேஷன் மற்றும் கன்விக்ஷனை பார்த்து ஆடிப்போய்விட்டேன். இப்படி ஒரு நபரை நான் இதுவரை சந்தித்ததே இல்லை' என்று கூறினார்.

மேலும் 'விவேகம்' போன்று அழுத்தமான கேரக்டர் கிடைத்தால் தொடர்ந்து தமிழில் நடிக்க திட்டமிட்டுள்ளதாகவும், தமிழகத்திற்கு தனக்கும் நெருங்கிய தொடர்பு உண்டு என்று கூறிய விவேக், தன்னுடைய தாயார் கோவையை சேர்ந்தவர் என்றும் கூறினார்.