நீதான் எங்கள் விருது. உனக்கெதற்கு விருது? விவேக்
- IndiaGlitz, [Tuesday,March 29 2016]
ஷங்கரின் பிரமாண்ட படமான 'ஐ' படத்திற்காக கிட்டத்தட்ட இரண்டு வருடங்களாக உடலை பெருக்கி, சுருக்கி மருத்துவ உதவியுடன் கூடிய பல ரிஸ்க்கான பயிற்சிகள் எடுத்து நடித்த விக்ரமுக்கு தேசிய விருது கிடைக்காதது விக்ரமுக்கு மட்டுமின்றி தமிழ் திரையுலகிற்கே ஏமாற்றமாக அமைந்துள்ளது. ஒளிப்பதிவாளர் பி.சி.ஸ்ரீராம் இதுகுறித்து கூறியபோது விக்ரமுக்கு தேசிய விருது கொடுக்காததால் விக்ரமுக்கு எந்த நஷ்டமும் இல்லை. தேசிய விருதுக்குத்தான் நஷ்டம் என்று கூறியிருந்தார்.
இதேபோல் பல கோலிவுட் கலைஞர்கள் விக்ரமுக்கு விருது கிடைக்காதது குறித்து கருத்து தெரிவித்திருக்கும் நிலையில் தற்போது நகைச்சுவை நடிகர் விவேக்கும் தனது பங்கிற்கு இதுகுறித்து தனது சமூக வலைத்தளத்தில் கருத்து தெரிவித்துள்ளார்.
விவேக் தனது சமூக வலைத்தளத்தில் "நண்பா விக்ரம்,"ஐ" காக உடலை பெருக்கினாய்; பின் சுருக்கினாய்; அகோர உருவில் உயிர் உருக்கினாய்; உனக்கெதற்கு விருது? நீதான் எங்கள் விருது! என்று கூறியுள்ளார். விவேக்கின் இந்த பதிவுக்கு பெரும் வரவேற்பு கிடைத்துள்ளது.
நண்பா விக்ரம்,"ஐ" காக உடலை பெருக்கினாய்; பின் சுருக்கினாய்; அகோர உருவில் உயிர் உருக்கினாய்;உனக்கெதற்கு விருது? நீதான் எங்கள் விருது!
— Vivekh actor (@Actor_Vivek) March 29, 2016