தல அஜித் நடிப்பில் சிறுத்தை சிவா இயக்கி வரும் 'விவேகம்' படத்தின் படப்பிடிப்பு இன்னும் ஒருசில நாட்களில் முடிந்துவிடும் நிலையில் உள்ளது. இந்த படத்தின் இறுதிக்கட்ட படப்பிடிப்பு பல்கேரியாவில் நடந்து வருகிறது. அஜித், விவேக் ஓபராய், காஜல் அகர்வால் உள்ளிட்டோர் நடித்து வருகின்றனர்.

இந்த நிலையில் நாளை மே 1, அஜித் பிறந்த நாள் வருவதை அடுத்து 'விவேகம்' படத்தின் டீசர் வெளிவர வாய்ப்பு இருப்பதாக கடந்த சில நாட்களாக செய்திகள் வெளிவந்து கொண்டிருந்தது ஆனால் தற்போது வெளிவந்துள்ள புதிய தகலின்படி, 'விவேகம்' படத்தின் இரண்டாவது லுக் போஸ்டர் வெளிவரவுள்ளதாகவும், இந்த போஸ்டர் ஸ்டைலிஷின் உச்சகட்டமாக இருக்கும் என்றும் இந்த போஸ்டர் தல ரசிகர்களுக்கு நிச்சயம் ஒரு விருந்தாக இருக்கும் என்றும் கூறப்படுகிறது.

மேலும் 'விவேகம்' படத்தின் டீசர் பணிகள் விறுவிறுப்பாக நடந்து கொண்டிருப்பதாகவும், வெகுவிரைவில் டீசர் வெளியீட்டு தேதி அறிவிக்கப்படும் என்றும் கூறப்படுகிறது.