அஜித்துக்கு முதல்முறை, நயனுக்கு 3வது முறை: விசுவாசம் அப்டேட்
- IndiaGlitz, [Saturday,March 03 2018]
தல அஜித், நயன்தாரா நடிப்பில் உருவாகவுள்ள 'விசுவாசம்' திரைப்படத்தின் படப்பிடிப்பு வரும் ஏப்ரல் மாதம் தொடங்கவுள்ள நிலையில் இந்த படத்தின் ஆரம்பகட்ட பணிகள் விறுவிறுப்பாக நடைபெற்று வருகிறது. இந்த நிலையில் அஜித்துடன் நான்காவது முறையாக இணையவுள்ள இந்த படம் ஒரு திகில் படம் என்று கூறப்படுகிறது.
இந்த செய்தி உண்மையெனில் அஜித் நடிக்கும் முதல் திகில் படம் இதுதான். அஜித் இதுவரை ரொமான்ஸ் மற்றும் ஆக்சன் படங்களில் மட்டுமே அஜித் நடித்துள்ளார் என்பது குறிப்பித்தக்கது. ஆனால் நயன்தாரா இதற்கு முன்னர் மாயா மற்றும் டோரா ஆகிய இரண்டு திகில் படங்களில் நடித்துள்ளாதால் 'விசுவாசம்' அவருக்கு 3வது திகில் படம் என்பது குறிப்பிடத்தக்கது. மேலும் இந்த படத்தின் கதை கிராமம் ஒன்றில் ஆரம்பித்து சென்னையில் முடியும் வகையில் இருப்பதாக கூறப்படுகிறது.
இந்த படத்தின் படப்பிடிப்பிற்காக சென்னையில் உள்ள முன்னணி ஸ்டுடியோ ஒன்றில் செட் அமைக்கப்பட்டு வருகிறது. மேலும் இந்த படத்தில் நடிக்கும் நடிகர், நடிகையர் மற்றும் தொழில்நுட்ப கலைஞர்களை இறுதி செய்யும் பணியில் இயக்குனர் சிவா ஈடுபட்டுள்ளார் என்பதும் குறிப்பிடத்தக்கது.