தல அஜித்தின் விசுவாசம்: அடுத்தகட்ட படப்பிடிப்பு எங்கே?
- IndiaGlitz, [Saturday,May 26 2018]
தல அஜித் நடிப்பில் இயக்குனர் சிவா இயக்கத்தில் உருவாகி வரும் 'விசுவாசம்' படத்தின் முதல் கட்ட படப்பிடிப்பு கடந்த சில நாட்களாக ஐதராபாத்தில் உள்ள ராமோஜிராவ் பிலிம் சிட்டியில் நடந்து வந்த நிலையில் தற்போது இந்த படத்தின் முதல்கட்ட படப்பிடிப்பு முடிவடைந்துள்ளது.
இந்நிலையில் அஜித், நயன்தாரா உள்பட படக்குழுவினர் சென்னை திரும்பிவிட்டதாகவும், இந்த படத்தின் அடுத்தகட்ட படப்பிடிப்பு இன்னும் சில நாட்களில் மும்பையில் தொடங்கவுள்ளதாகவும் படக்குழுவினர்களிடம் இருந்து தகவல் வெளிவந்துள்ளது. இதற்காக மும்பையில் பிரமாண்டமான செட் தயாராகி வருகிறது.
மும்பை படப்பிடிப்பை அடுத்து மூன்றாவது மற்றும் இறுதிக்கட்ட படப்பிடிப்பு சென்னையில் நடைபெறும் என்றும், இந்த படத்தை வரும் தீபாவளி திருநாளில் திரையிட படக்குழுவினர் தீவிர முயற்சி எடுத்து வருவதாகவும் கூறப்படுகிறது.
அஜித், நயன்தாரா, யோகிபாபு, போஸ்வெங்கட், தம்பி ராமையா, ரோபோசங்கர் உள்பட பலர் நடித்து வரும் இந்த படத்திற்கு டி.இமான் இசையமைத்து வருகிறார். இந்த படத்தை சத்யஜோதி பிலிம்ஸ் நிறுவனம் பிரமாண்டமாக தயாரித்து வருகிறது.