தல அஜித் நடித்த 'விஸ்வாசம்' திரைப்படம் வரும் ஜனவரி 10ஆம் தேதி உலகம் முழுவதும் பெரும்பாலான நாடுகளில் பிரமாண்டமாக வெளியாகவுள்ளது. ஒன்றரை வருடத்திற்கு பின் வரும் அஜித் படம் என்பதால் தல ரசிகர்கள் இந்த படத்தை மிகப்பெரிய வெற்றி அடைய செய்வார்கள் என்று எதிர்பார்க்கப்படுகிறது.

இந்த நிலையில் தமிழகத்தில் பொங்கல் தினத்தில் வெளியாகும் 'விஸ்வாசம்' திரைப்படம் அதே நாளில் ஜப்பானிலும் வெளியாகவிருப்பதாக செய்திகள் வெளிவந்துள்ளது. ஜப்பானில் இந்த படத்தை 'ஏ ஸ்பேஸ் பாக்ஸ்' என்ற நிறுவனம் வெளியிடுகிறது. தமிழில் மட்டுமின்றி இதே படத்தை தெலுங்கிலும் இந்நிறுவனம் ஜப்பானில் வெளியிடுகிறது என்பது குறிப்பிடத்தக்கது.

பொதுவாக ரஜினி படங்கள் மட்டுமே தமிழத்தில் ரிலீஸ் ஆகும் அதே நாளில் ஜப்பானிலும் வெளியாகும் என்ற நிலையில் தற்போது அஜித்தின் விஸ்வாசம் திரைப்படமும் ஜப்பானில் வெளியாகவுள்ளது என்பது குறிப்பிடத்தக்கது. ஏற்கனவே ரஷ்யாவில் முதல்முறையாக அஜித் படமான 'விஸ்வாசம்' வெளியாகவுள்ளது என்பதை பார்த்தோம்.