தல அஜித்துடன் இயக்குனர் சிவா நான்காவது முறையாக இணையும் 'விசுவாசம்' படத்தின் படப்பிடிப்பு வரும் ஏப்ரல் மாதம் தொடங்கவுள்ளது. இந்த படத்திற்காக பெரும் பொருட்செலவில் ராமோஜிராவ் ஸ்டுடியோவில் செட் அமைக்கும் பணிகள் நடைபெற்று வருவதாகவும் கூறப்படுகிறது

இந்த நிலையில் 'விசுவாசம்' திரைப்படம் ஒரு ஹாரர் திகில் திரைப்படம் என்றும் அஜித் நடிக்கும் முதல் திகில் படம் இதுதான் என்றும் சமூக வலைத்தளங்களில் செய்திகள் பரவின. ஆனால் இந்த செய்தியை தயாரிப்பு நிறுவனம் மறுத்துள்ளது.

'விசுவாசம்' திரைப்படம் திகில் படம் இல்லை என்றும், இந்த படம் ஒரு பக்கா கமர்ஷியல் படம் என்றும், தல ரசிகர்களுக்கு தேவையான அனைத்து அம்சங்களும் இந்த படத்தில் இருக்கும் என்றும் இந்த படத்தின் தயாரிப்பு நிறுவனமான சத்யஜோதி பிலிம்ஸ் நிறுவனத்தின் நிர்வாக தயாரிப்பாளர் ராகுல் தெரிவித்துள்ளார்.

அஜித், நயன்தாரா, யோகிபாபு உள்பட பலர் நடிக்கும் இந்த படத்தில் ஆக்சன் கிங் அர்ஜூன் முக்கிய வேடத்தில் நடிக்கவிருப்பதாக கூறப்படுகிறது. டி.இமான் இசையமைக்கும் இந்த படம் இந்த ஆண்டின் மிகப்பெரிய எதிர்பார்ப்பிற்குரிய திரைப்படம் என்பது குறிப்பிடத்தக்கது.