தல அஜித் நடிப்பில் இயக்குனர் சிவா இயக்கத்தில் டி.இமான் இசையில் உருவாகியிருக்கும் 'விஸ்வாசம்' திரைப்படம் எந்தவித சந்தேகமும் இன்றி பொங்கல் தினத்தில் வெளியாகவிருப்பது உறுதி செய்யப்பட்டுள்ளது. இந்த தகவலை மேலும் உறுதி செய்யும் வகையில் இந்த படத்தின் ஒவ்வொரு ஏரியாவின் ரிலீஸ் உரிமையை பெற்ற விநியோகிஸ்தர்களின் பட்டியல் தற்போது வெளிவந்துள்ளது.

அதன்படி சென்னையில் எஸ்பிஐ சினிமாஸ் நிறுவனமும், செங்கல்பட்டில் டிரைடெண்ட் ஆர்ட்ஸ் நிறுவனமும், கோவையில் வால்மார்ட் பிலிம்ஸ் நிறுவனமும், திருச்சியில் சத்யஜோதி பிலிம்ஸ் நிறுவனமும், சேலத்தில் ஃபைவ் ஸ்டார் செந்திலும், நெல்லை-குமரியில் ஸ்ரீராஜ் பிலிம்ஸ் நிறுவனமும், மதுரையில் சுஷ்மா சினி ஆர்ட்ஸ் நிறுவனமும் வட ஆற்காடு- தென்னாற்காடு பகுதியில் எஸ் பிக்சர்ஸ் நிறுவனமும் வெளியிடவுள்ளதாக அறிவிக்கப்பட்டுள்ளது.

அஜித், நயன்தாரா, தம்பி ராமையா, விவேக், ரோபோசங்கர் உள்ளிட்ட பலர் நடித்துள்ள இந்த படத்தை சத்யஜோதி பிலிம்ஸ் நிறுவனம் பிரமாண்டமாக தயாரித்துள்ளது.