உலக நாயகன் கமல்ஹாசன் வரும் 7ஆம் தேதி தனது பிறந்த நாளை கொண்டாடவுள்ளார்,. இந்த நாளில் அரசியல் குறித்த அதிரடி அறிவிப்பு வெளிவர வாய்ப்பு இருப்பதாக அவரது ரசிகர்கள் எதிர்பார்த்து காத்திருக்கின்றனர்.

இந்த நிலையில் அரசியல் அறிவிப்பு வருகின்றதோ இல்லையோ, அன்றைய தேதியில் கமல்ஹாசனின் 'விஸ்வரூபம் 2' டிரைலர் வெளிவர அதிக வாய்ப்பு இருப்பதாக தகவல்கள் வெளிவந்துள்ளது.

இதுகுறித்து பேட்டி அளித்துள்ள இந்த படத்தின் இசையமைப்பாளர் ஜிப்ரான், 'விஸ்வரூபம் 2' படத்தின் டிரைலர் பணி முடிந்துவிட்டதாகவும், டிரைலர் மிக அருமையாக வந்துள்ளதாகவும், எந்த நேரத்திலும் டிரைலர் ரிலீஸ் தேதி குறித்த அறிவிப்பு வெளிவரலாம்' என்று கூறியுள்ளார். எனவே சமூக வலைத்தளங்களில் 'விஸ்வரூபம் 2' படத்தின் டிரைலர் வரும் நவம்பர் 7ஆம் தேதி வெளிவரும் என்றே செய்திகள் வெளியாகி வருகின்றது.

கடந்த 2015ஆம் ஆண்டுக்கு பின்னர் கமல் படம் வெளிவராததால் சோகத்தில் இருக்கும் கமல் ரசிகர்களுக்கு இந்த ஆண்டு விஸ்வரூப விருந்து கிடைக்குமா? என்பதை பொறுத்திருந்து பார்ப்போம்