உலக நாயகன் கமல்ஹாசன் நடித்து முடித்துள்ள 'தூங்காவனம்' படத்தின் போஸ்ட் புரடொக்ஷன் பணிகள் தற்போது விறுவிறுப்பாக நடைபெற்று வரும் நிலையில், கடந்த மூன்று வருடங்களாக கிடப்பில் இருக்கும் விஸ்வரூபம் 2' படத்திற்கும் தற்போது ஒரு விடிவுகாலம் பிறந்துள்ளதாக கூறப்படுகிறது.

'விஸ்வரூபம் 2' படத்தின் தயாரிப்பாளர் ஆஸ்கார் ரவிச்சந்திரனுடன் கமல் தரப்பினர் பேசி வருவதாகவும், விரைவில் இந்த படம் கமல் தயாரிப்பு நிறுவனமான 'ராஜ்கமல் இண்டர்நேஷனல் நிறுவனத்திற்கு கைமாறும் என கூறப்படுகிறது. ஏற்கனவே 'விஸ்வரூபம்' முதல் பாகத்தின் படப்பிடிப்பின்போதே இரண்டாவது பாகத்தின் பெரும்பாலான காட்சிகள் படமாக்கப்பட்டுவிட்டதால், படம் கைமாறியதும் விறுவிறுப்பாக மீதி படத்திற்கான படப்பிடிப்பு தொடங்கப்பட்டு, வரும் 2016ஆம் ஆண்டின் மத்தியில் வெளியிட திட்டமிட்டுள்ளதாக கூறப்படுகிறது.

கமல்ஹாசனுடன் பூஜா குமார், ஆண்ட்ரியா, ராகுல்போஸ், சேகர் கபூர், ஆனந்த் மகாதேவன் உள்பட பலர் நடித்துள்ள இந்த படத்தை கமல்ஹாசனே இயக்கியுள்ளார். ஜிப்ரான் இந்த படத்திற்கு இசையமைத்துள்ளார்.