లోక‌నాయ‌కుడు క‌మ‌ల్‌హాస‌న్ ద‌ర్శ‌క‌నిర్మాణంలో తెర‌కెక్కుతోన్న చిత్రం 'విశ్వ‌రూపం2'. ఎప్పుడు సినిమా రూపొందిన విడుద‌ల్లో మాత్రం కొన్ని కార‌ణాల కార‌ణంగా జాప్యం జ‌రుగ‌తూ వ‌చ్చింది. ఈలోపు క‌మ‌ల్‌హాస‌న్‌ ఉత్త‌మ‌విల‌న్‌, చీక‌టి రాజ్యం సినిమాలు విడుద‌ల‌య్యాయి. ఇప్పుడు శ‌భాష్ నాయుడు కూడా సెట్స్‌పై ఉంది. ఇప్పుడో అప్పుడో అంటూ ఊరిస్తున్న‌విశ్వ‌రూపం 2 చిత్రాన్ని చిత్రానికి ఉన్న అర్ధిక స‌మ‌స్య‌ల‌న్నీ పూర్తైయ్యాయి.

మిగిలి ఉన్న పోస్ట్ ప్రొడ‌క్ష‌న్ కార్య‌క్ర‌మాల‌ను పూర్తి చేసుకుని సినిమాను త్వ‌ర‌లోనే ప్రేక్ష‌కుల ముందుకు తీసుకు రావ‌డానికి స‌న్నాహాలు జ‌రుగుతున్నాయి. క‌మ‌ల్ హాస‌న్ విశ్వ‌రూపం2ను ప్రేక్ష‌కుల ముందుకు తీసుకురావ‌డానికి శ‌ర‌వేగంగా ప‌నిచేస్తున్నారు. రీసెంట్‌గా సినిమాకు సంబంధించిన చివ‌రి సాంగ్ రికార్డింగ్‌ను పూర్తి చేశారు. హిందీ, త‌మిళంలో సాంగ్ రికార్డింగ్ పూర్త‌య్యింద‌ని, తెలుగులో ఈ సాంగ్ రికార్డింగ్ చేయాల్సి ఉంద‌ని క‌మ‌ల్ త‌న ట్విట్ట‌ర్ అకౌంట్ ద్వారా తెలిపారు.