உலக நாயகன் கமல்ஹாசன் நடிப்பில் உருவாகியுள்ள 'விஸ்வரூபம் 2' படத்தின் டிரைலர் தயாராகிவிட்டதாகவும், எந்த நேரத்திலும் இந்த படத்தின் டிரைலர் ரிலீஸ் தேதி குறித்த அறிவிப்பு வெளியாகும் என்று இயக்குனர் ராஜேஷ் எம்.செல்வா தெரிவித்த தகவலை ஏற்கனவே பார்த்தோம்

இந்த நிலையில் சற்றுமுன்னர் 'விஸ்வரூபம் 2' படத்தின் டிரைலர் ரிலீஸ் தேதி அறிவிக்கப்பட்டுள்ளது. வரும் ஏப்ரல் மாதம் 13ஆம் தேதி தமிழ்ப்புத்தாண்டு பரிசாக தனது ரசிகர்களுக்கு இந்த படத்தின் டிரைலரை கமல் வெளியிடவுள்ளார். இந்த அறிவிப்பை உறுதி செய்வதை போல் புதிய போஸ்டர் ஒன்றும் வெளியாகியுள்ளது.

கமல்ஹாசன், ராகுல் போஸ், பூஜாகுமார், ஆண்ட்ரியா, சேகர் கபூர், உள்பட பலர் நடித்துள்ள இந்த படத்திற்கு ஜிப்ரான் இசையமைத்துள்ளார். கமல்ஹாசன் தயாரித்து இயக்கி வரும் இந்த படம் இந்த ஆண்டின் பெரும் எதிர்பார்ப்புக்குரிய படங்களில் ஒன்று என்பது குறிப்பிடத்தக்கது.