நடிகர் சிவகார்த்திகேயன் நடித்த ’மாவீரன்’ திரைப்படம் வரும் 14ஆம் தேதி திரையரங்குகளில் வெளியாக இருக்கும் நிலையில் அவருடைய அடுத்த படத்தை ராஜ்குமார் பெரியசாமி இயக்க உள்ளார் என்பதும் இந்த படத்தை கமல்ஹாசனின் ராஜ்கமல் பிலிம்ஸ் இன்டர்நேஷனல் நிறுவனம் தயாரித்து வருகிறது என்பதும் தெரிந்ததே. தற்போது இந்த படத்தின் படப்பிடிப்பு காஷ்மீரில் நடைபெற்று வருவதாக கூறப்படுகிறது.

இந்த நிலையில் இந்த படத்தில் வில்லனாக நடிக்கும் நடிகர் குறித்த தகவல் வெளியாகியுள்ளது. உலகநாயகன் கமல்ஹாசனின் ’விஸ்வரூபம்’ திரைப்படத்தில் வில்லனாக நடித்த நடிகர் ராகுல் போஸ் இந்த படத்தில் வில்லனாக நடிக்க உள்ளதாக தெரிகிறது. தற்போது அவர் காஷ்மீரில் உள்ள படப்பிடிப்பில் கலந்து கொண்டு இருப்பதாக கூறியுள்ள வீடியோ இணையதளத்தில் வைரல் ஆகி வருகிறது.

ஏற்கனவே இந்த படத்தில் ’சர்கார்’, ’மாஸ்டர்’, ’கைதி’ உள்ளிட்ட படங்களில் நடித்த நடிகர் லல்லு நடிப்பதாக வெளியான தகவலை அடுத்து தற்போது ராகுல் போஸ் இந்த படத்தில் இணைந்துள்ளார்.

சிவகார்த்திகேயன் ஜோடியாக சாய் பல்லவி இப்படத்தில் நடித்து வருகிறார் என்பதும், அவரும் காஷ்மீர் படப்பிடிப்பில் கலந்து கொண்டிருக்கிறார் என்பதும் குறிப்பிடத்தக்கது.

.#RahulBose Vishwaroopam fame Actor Plays a Villain Role in #SK21 🤩🔥💥💯@Siva_Kartikeyan | @Rajkumar_KP@RKFI | #ActorSKNews | #Sivakarthikeyan pic.twitter.com/x1fVSbB2WE

— Actor Sivakarthikeyan News (@ActorSK_News) July 4, 2023