விஸ்வரூபம் 2' ரிலீஸ் தேதி குறித்த முக்கிய தகவல்
- IndiaGlitz, [Monday,June 20 2016]
உலகநாயகன் கமல்ஹாசன் தற்போது அமெரிக்காவில் தனது மகள் ஸ்ருதிஹாசனுடன் இணைந்து 'சபாஷ் நாயுடு' படப்பிடிப்பில் பிசியாக உள்ளார். இந்நிலையில் கமல் நடிப்பில் கிட்டத்தட்ட படப்பிடிப்பு முடிவடைந்து ரிலீஸ் ஆகாமல் இருக்கும் 'விஸ்வரூபம் 2' படத்தின் ரிலீஸ் தேதி குறித்த தகவல் தற்போது வெளிவந்துள்ளது.
'விஸ்வரூபம்' படத்தின் படப்பிடிப்பின்போதே இந்த படத்தின் இரண்டாம் பாக படப்பிடிப்பும் இணைந்து நடைபெற்றது. ஒருசில காட்சிகளும் கிராபிக்ஸ் காட்சிகளும் மட்டுமே பாக்கியுள்ள நிலையில் இந்த படத்தின் மீதியுள்ள பணிகள் விரைவில் முடிக்கப்பட்டு வரும் தீபாவளி தினத்தில் இந்த படம் ரிலீஸ் ஆகும் என கூறப்படுகிறது.
கமல் தற்போது 'சபாஷ் நாயுடு' படத்தை இயக்கி நடித்து வருகிறார். இந்த படத்தின் படப்பிடிப்பு முடிந்த பின்னர் விஸ்வரூபம் படத்தின் பெண்டிங் பணிகளை அவர் முடித்துவிடுவார் என்றும் கடந்த ஆண்டு தீபாவளி தினத்தின் கமல் ரசிகர்களுக்கு 'தூங்காவனம்' என்ற திரைவிருந்து கிடைத்ததுபோல் இந்த ஆண்டு தீபாவளிக்கு 'விஸ்வரூபம் 2' என்ற விருந்து கிடைக்கும் என எதிர்பார்க்கப்படுகிறது.