‘వెళ్లిపోమాకే’ సినిమాతో హీరోగా కెరీర్‌ను స్టార్ట్ చేసిన విశ్వ‌క్‌సేన్‌కు ‘ఈన‌గ‌రానికి ఏమైంది’ సినిమా మంచి గుర్తింపును తెచ్చిపెట్టింది. ఈ సినిమా త‌ర్వాత త‌నే స్వీయ ద‌ర్శ‌క నిర్మాణంలో హీరోగా చేసిన ‘ఫ‌ల‌క్‌నుమాదాస్’ మరింత మంచి పేరును, గుర్తింపు ఇచ్చింది. అదే స‌మ‌యంలో నాని నిర్మాత‌గా శైలేష్ కొల‌ను ద‌ర్శ‌క‌త్వంలో చేసిన ‘హిట్’ డీసెంట్ హిట్ అయ్యింది. సినిమా క‌మ‌ర్షియ‌ల్‌గా మంచి స‌క్సెస్ కావ‌డం విశ్వ‌క్‌సేన్‌కు బాగానే క‌లిసొచ్చింది. ఇప్పుడు విశ్వ‌క్ ‘పాగ‌ల్’ అనే సినిమాలో న‌టిస్తున్నాడు. మరో వైపు ‘హిట్2’ ట్రాక్‌లో ఉంది.

ఈ త‌రుణంలో ప్ర‌ముఖ నిర్మాణ సంస్థ సితార ఎంట‌ర్‌టైన్‌మెంట్స్ త‌న బ్యాన‌ర్‌లో చేయ‌బోయే రీమేక్‌లో విశ్వ‌క్‌సేన్‌ను న‌టింప చేయాల‌ని భావిస్తుంది. అందుకోసం భారీ రెమ్యున‌రేష‌న్‌ను ఆఫ‌ర్ చేసినట్లు సినీ వ‌ర్గాల్లో వార్త‌లు చ‌క్క‌ర్లు కొడుతున్నాయి. రీసెంట్‌గా మల‌యాళంలో విజ‌య‌వంత‌మైన ‘క‌ప్పేళ’ సినిమా తెలుగు రీమేక్ హక్కులను సితార సంస్థ దక్కించుకుంది. ఇందులో హీరోగా నటించడానికి కోటిన్న‌ర రూపాయ‌ల మొత్తాన్ని విశ్వ‌క్‌కు సితార ఆఫ‌ర్ చేసిన‌ట్లు టాక్‌. మ‌రి ఈ ఆఫ‌ర్‌కు విశ్వ‌క్ ఇంకా గ్రీన్ సిగ్న‌ల్ ఇవ్వ‌లేద‌ని, త్వ‌ర‌లోనే దీనిపై ఓ నిర్ణ‌యం తీసుకుంటాడ‌ని వార్త‌లు విన‌ప‌డుతున్నాయి.