'மான்ஸ்டர்' இயக்குனரின் அடுத்த படத்தில் விஷ்ணு விஷால்?
- IndiaGlitz, [Tuesday,July 16 2019]
கோலிவுட் திரையுலகில் இளையதலைமுறை நடிகர்களில் ஒருவரான விஷ்ணு விஷால் தற்போது 'ஜகஜால கில்லாடி' மற்றும் 'இன்று நேற்று நாளை 2' ஆகிய இரண்டு படங்களில் நடித்து வருகிறார். இந்த நிலையில் அவர் விரைவில் ஒரு தெலுங்கு படத்தின் ரீமேக்கில் நடிக்க இருப்பதாக செய்திகள் வெளிவந்தது.
நானி, ஷராதா ஸ்ரீநாத், சத்யராஜ் உள்பட பலர் நடித்த தெலுங்கு படம் 'ஜெர்சி'. இந்த படம் கிரிக்கெட் சம்பந்தப்பட்ட கதையம்சம் கொண்டது. இந்த படத்தின் தமிழ் ரீமேக் உருவாக இருப்பதாகவும் இந்த படத்தை 'மான்ஸ்டர்' படத்தை இயக்கிய நெல்சன் வெங்கடேசன் இயக்கவிருப்பதாகவும் கூறப்படுகிறது .
இந்த படத்தில் நானி கேரக்டரில் நடிக்க விஷ்ணு விஷால் நடிக்க பேச்சுவார்த்தை நடைபெற்று வருகிறது. 'ஜெர்சி' திரைப்படம் கிரிக்கெட் சம்பந்தப்பட்ட படம் என்பதால் நிஜ கிரிக்கெட் வீரரான விஷ்ணு விஷால் நடிப்பது பொருத்தமாக இருக்கும் என கருதப்படுகிறது. ஏற்கனவே விஷ்ணு விஷால் 'ஜீவா' என்ற கிரிக்கெட் படத்தில் நடித்துள்ளார் என்பது குறிப்பிடத்தக்கது.
'ஜெர்சி' படத்திற்கு அனிருத் இசையமைத்திருந்த நிலையில் இந்த படம் தமிழில் ரீமேக் செய்வது உறுதி செய்யப்பட்டால் அவரே தமிழ் ரீமேக்கிலும் இசையமைப்பார் என எதிர்பார்க்கப்படுகிறது. இந்த படம் குறித்த அதிகாரபூர்வ அறிவிப்பு விரைவில் வெளியாகும் என எதிர்பார்க்கப்படுகிறது.