ஒரே நாளில் டபுள் புரமோஷன் ஆன 'வெள்ளைக்காரன்'
- IndiaGlitz, [Thursday,May 12 2016]
விஷ்ணுவிஷால் நடித்த 'வேலைன்னு வந்துட்டா வெள்ளைக்காரன்' திரைப்படத்தின் ரிலீஸ் தேதி ஜூன் 3 என்று வெளிவந்த செய்தியினை ஏற்கனவே பார்த்தோம். இந்நிலையில் இப்படத்தின் குழுவினர்களுக்கு ஒரே நாளில் இரண்டு மகிழ்ச்சியான செய்திகள் கிடைத்துள்ளது.
ஒன்று இந்த படம் இன்று சென்சார் செய்யப்பட்டு 'யூ' சர்டிபிகேட் பெற்றுள்ளது. இரண்டாவது இந்த படம் தமிழக அரசின் 30% வரிவிலக்கை பெற்றுள்ளது. இந்த இரண்டு தகவல்களினால் படக்குழுவினர் உற்சாகத்தில் உள்ளனர்.
விஷ்ணு விஷால், நிக்கி கல்ராணி, சூரி, ஆடுகளம் நரேன், ரோபோ சங்கர் உள்ளிட்ட பலர் நடித்துள்ள இந்த படத்தை எழில் இயக்கியுள்ளார். சத்யா இசையமைத்துள்ள இந்த படத்தை விஷ்ணு மற்றும் எழில் இணைந்து தயாரித்துள்ளனர்.