சூரியுடனான பிரச்சனை என்ன ஆச்சு? மனம் திறந்த விஷ்ணு விஷால்..!
- IndiaGlitz, [Tuesday,February 13 2024]
நடிகர் சூரி கடந்த சில ஆண்டுகளுக்கு முன்னர் விஷ்ணு விஷாலின் தந்தை நிலம் வாங்கி தருவதாக மோசடி செய்து விட்டதாக காவல்துறையில் புகார் அளித்திருந்த நிலையில் இந்த புகாரின் அடிப்படையில் வழக்குப்பதிவு செய்யப்பட்டு நீதிமன்றத்தில் வழக்கும் நடந்து வருகிறது.
இந்த நிலையில் இந்த பிரச்சனை எங்களுக்குள் சுமூகமாக முடிந்துவிட்டது என விஷ்ணு விஷால் மனம் திறந்து கூறியுள்ளார். இது குறித்து அவர் மேலும் கூறிய போது என்னுடைய நண்பர் சூரியை நான் சமீபத்தில் சந்தித்து எல்லா விஷயத்தையும் பேசினோம். எங்களிடையே இருந்த பிரச்சனை சுமூகமாக முடிந்துவிட்டது. இது குறித்த விவரங்கள் இன்னும் கொஞ்ச நாளில் ஊடகத்துக்கு தெரிவிப்போம்.
வாழ்க்கையில் சில குழப்பங்கள் நடக்கத்தான் செய்யும், அதை எப்படி தீர்த்து வைக்க வேண்டும் என்பதில் தான் நம் முயற்சிகள் இருக்க வேண்டும். நாம் வாழ்வது ஒரு குறுகிய வாழ்க்கை. இந்த வாழ்க்கையில் பெரிய பிரச்சனைகளை செய்து கொண்டிருக்க நாங்கள் விரும்பவில்லை.
இந்த பிரச்சனையால் எங்கள் அப்பா கொஞ்சம் பாதித்துவிட்டார் ஆனால் சூரி உடன் நேரடியாக பேசிய போது அவருடைய நிலைமையும் எங்களுக்கும், எங்களுடைய நிலைமை அவருக்கும் புரிந்தது. இரண்டு பேருக்கும் ஒரு விஷயம் புரிந்தது என்னவென்றால் மூன்றாவது ஆக ஒருவர் வந்து இதில் விளையாடிவிட்டார் என்பது தான்.
எங்கள் இருவர் நட்புக்குள் மூன்றாவது ஒருவருக்கு இடம் கொடுத்திருக்கக் கூடாது என்பதை நாங்கள் புரிந்து கொண்டோம். இந்த விஷயத்தை அவரும் புரிந்து கொண்டார்’ என்று விஷ்ணு விஷால் கூறியுள்ளார். இதனையடுத்து சூரி மற்றும் விஷ்ணு விஷால் தந்தை இடையில் ஆன பிரச்சனை முடிந்து விட்டதாக கருதப்படுகிறது.