'வேலைன்னு வந்துட்டா வெள்ளைக்காரன்' ரிலீஸ் தேதி
- IndiaGlitz, [Tuesday,May 10 2016]
விஷ்ணு நடித்த 'முண்டாசுப்பட்டி, ஜீவா, இன்று நேற்று நாளை ஆகிய படங்கள் தொடர்ந்து வெற்றி பெற்ற நிலையில் தற்போது அவர் நடித்து முடித்துள்ள நகைச்சுவை படமான 'வேலைன்னு வந்துட்டா வெள்ளைக்காரன்' திரைப்படம் ரிலீசுக்கு தயாராகிவிட்டதை ஏற்கனவே பார்த்தோம். இந்நிலையில் இந்த படத்தின் ரிலீஸ் தேதி குறித்த அறிவிப்பு தற்போது வெளிவந்துள்ளது.
விஷ்ணுவுடன் முதல்முறையாக ஜோடி சேரும் நிக்கி கல்ராணி நடித்த இந்த படம் வரும் ஜூன் மாதம் 3ஆம் தேதி ரிலீஸ் ஆகவுள்ளதாக அறிவிக்கப்பட்டுள்ளது. இதை உறுதிப்படுத்தும் வகையில் இந்த படத்தின் ரிலீஸ் தேதியுடன் கூடிய போஸ்டர் இன்று இணையதளங்கள் மற்றும் தினசரிகளில் வெளிவந்துள்ளது. மேலும் இதே தேதியில் கார்த்திக் சுப்புராஜின் 'இறைவி' மற்றும் தினேஷ் நடித்த 'ஒருநாள் கூத்து' ஆகிய படங்கள் ரிலீஸ் ஆகின்றன என்பது குறிப்பிடத்தக்கது.
விஷ்ணு, நிக்கி கல்ராணியுடன் சூரி, ஆடுகளம் நரேன், ரோபோசங்கர் உள்ளிட்ட பலர் நடித்துள்ள இந்த படத்தை 'எழில் இயக்கியுள்ளார். சத்யா இசையமைத்துள்ள இந்த படத்தின் பாடல்கள் சமீபத்தில் வெளியாகி ஹிட்டாகியுள்ளது என்பது குறிப்பிடத்தக்கது.