விஷ்ணுவிஷாலுடன் மீண்டும் இணையும் வெற்றிப்பட இயக்குனர்
- IndiaGlitz, [Thursday,September 22 2016]
விஷ்ணுவிஷால் நடிப்பில் சமீபத்தில் வெளியான 'வேலைன்னு வந்துட்டா வெள்ளைக்காரன்' திரைப்படம் 100 நாட்கள் ஓடி சாதனை புரிந்துள்ள நிலையில் தற்போது விஷ்ணு, சுசீந்திரன் இயக்கத்தில் 'மாவீரன் கிட்டு' என்ற படத்தில் நடித்து வருகிறார்.
மேலும் விஷ்ணு விஷால் தயாரித்து நடிக்கும் அடுத்த படத்தை முருகானந்தம் இயக்கவுள்ளதாகவும், இந்த படத்தில் 'மெட்ராஸ்' கேதரின் தெரசா, விஷ்ணுவுக்கு ஜோடியாக நடிக்கவுள்ள செய்தியையும் ஏற்கனவே பார்த்தோம்.
இந்நிலையில் 'முண்டாசுப்பட்டி' ராம்குமார் இயக்கத்தில் விஷ்ணுவிஷால் ஒரு படத்தில் நடிக்கவுள்ளதாக செய்திகள் வெளிவந்துள்ளது. இந்த செய்தியை விஷ்ணுவிஷால் தனது சமூக வலைத்தளத்தில் உறுதி செய்துள்ளார். இந்த படம் குறித்த பிற விபரங்கள் விரைவில் அறிவிக்கப்படும் என்றும் அவர் தெரிவித்துள்ளார்.