விஷ்ணு விஷால் நடித்த ’மோகன்தாஸ்’, ’ஆர்யான்’ மற்றும் ’இடம் பொருள் ஏவல்’ ஆகிய மூன்று திரைப்படங்கள் ரிலீசுக்கு தயாராக இருக்கும் நிலையில் தற்போது அவர் ஐஸ்வர்யா ரஜினிகாந்த் இயக்கத்தில் உருவாகும் ’லால் சலாம்’ என்ற திரைப்படத்தில் நடித்து வருகிறார். விஷ்ணு விஷால் மற்றும் விக்ராந்த் ஆகிய இருவரும் கிரிக்கெட் வீரர்கள் ஆக நடிக்கும் இந்த படத்தில் சூப்பர் ஸ்டார் ரஜினிகாந்த் சிறப்பு தோற்றத்தில் நடிக்க உள்ளார் என்பதும் இந்த படத்தின் படப்பிடிப்பு விறுவிறுப்பாக நடைபெற்று வருகிறது என்றும் குறிப்பிடத்தக்கது.

இந்த நிலையில் விஷ்ணு விஷால் பிரபல இயக்குனர் ராம்குமார் உடன் இணையும் திரைப்படம் குறித்த அறிவிப்பு சமீபத்தில் வெளியானது. ’முண்டாசுப்பட்டி’ ’ராட்சசன்’ ஆகிய இரண்டு சூப்பர் ஹிட் படங்களை அடுத்து மீண்டும் விஷ்ணு விஷால் - ராம்குமார் 3வது முறையாக இணைய இருப்பதாக அறிவிக்கப்பட்டதால் இந்த படம் பெரும் எதிர்பார்ப்பு ஏற்படுத்தியது.

இந்த நிலையில் இந்த படத்தின் படப்பிடிப்பு மே முதல் வாரம் தொடங்க இருப்பதாகவும் இது ஒரு எமோஷனல் கதையம்சம் கொண்ட திரைப்படம் என்றும் கூறப்படுகிறது. தமிழ் திரையுலகின் முன்னணி தயாரிப்பு நிறுவனமான சத்யஜோதி பிலிம்ஸ் நிறுவனம் தயாரிக்கவுள்ள இந்த படம் இந்த ஆண்டு இறுதியில் வெளியாகும் என்று எதிர்பார்க்கப்படுகிறது.