நடிகர் விஷ்ணு விஷாலுக்கும் போலீஸ் கேரக்டருக்கும் அதிக சம்பந்தம் இருக்கும் என்பது தெரிந்ததே. 'குள்ளநரிக்கூட்டம்' படத்தில் போலீஸ் வேலைக்காக முயற்சிக்கும் கேரக்டரிலும், ராட்சசன், சிலுக்குவார்ப்பட்டி சிங்கம் ஆகிய படங்களிலும் அவர் போலீஸ் கேரக்டரிலும் நடித்திருப்பார். குறிப்பாக 'ராட்சசன்' படத்தில் அவருடைய நடிப்பு நிஜ போலீஸ் அதிகாரி போன்றே இருக்கும். இதற்கு முக்கிய காரணம் விஷ்ணு விஷாலின் தந்தை ஒரு நிஜ போலீஸ் அதிகாரி என்பதாக கூட இருக்கலாம் என்று கூறப்பட்டது.

இந்த நிலையில் விஷ்ணு விஷால் தனது தந்தை டிஜிபி ஆக புரமோஷன் பெற்றுள்ளதாக தனது சமூக வலைத்தள பக்கத்தில் தெரிவித்துள்ளார். 'தந்தைக்கு கிடைத்த புரமோஷன் தனக்கு பெருமையாக இருப்பதாகவும், தனக்கு ரோல் மாடலாக இருக்கும் அவருக்கு ஒரு சல்யூட்' என்றும் தெரிவித்துள்ளார்.

விஷ்ணுவின் இந்த டுவீட்டை பார்த்து சக நடிகர்கள் வாழ்த்து தெரிவித்துள்ளனர். குறிப்பாக விஷ்ணுவிஷாலுடன் நடித்த நடிகைகள் சுனைனா, அமலாபால் ஆகியோர் விஷ்ணுவின் தந்தைக்கு வாழ்த்து தெரிவித்துள்ளனர்.
 

A very proud moment.. my dad has been promoted as DGP :) My role model ...salute???? pic.twitter.com/w8c0KK61Sx

— VISHNU VISHAL - VV (@TheVishnuVishal) March 10, 2019