நடிகர் விஷ்ணு விஷாலுக்கு இவ்வளவு பெரிய மகனா? வைரலாகும் புகைப்படம்!
- IndiaGlitz, [Tuesday,February 01 2022]
தமிழ் சினிமாவில் வரவேற்பு பெற்ற நடிகராக இருந்துவரும் நடிகர் விஷ்ணு விஷால் தன்னுடைய மகன் பிறந்தநாளை எளிமையாகக் கொண்டாடியிருக்கிறார். அப்போது எடுக்கப்பட்ட சில புகைப்படம் இணையத்தில் படு வைரலாகி வருகிறது.
கிரிக்கெட் வீரராக ஆக வேண்டும் முயற்சித்துவந்த விஷ்ணு விஷால் ஒருகட்டத்தில் சினிமா நடிகராக அறிமுகமானார். முதலில் சின்ன சின்ன வேடங்களில் நடித்துவந்த அவர் சில வெற்றிப்படங்களில் நடித்து ரசிகர்களிடையே வரவேற்பையும் பெற்றார். தொடர்ந்து தயாரிப்பு பணிகளில் ஈடுபட்டு “வேலையுன்னு வந்துட்டா வெள்ளைக்காரன்“, “கதாநாயகன்“, சிலுக்குவார்பட்டி“ தற்போது “எஃப்ஐஆர்“, “மோகன்தாஸ்“ போன்ற திரைப்படங்களைத் தயாரித்து அதில் நடித்துள்ளார்.
இவர் நடிப்பில் உருவான “எஃப்ஐஆர்“ திரைப்படம் வரும் 11 ஆம் தேதி திரையரங்கில் வெளியாகவுள்ள நிலையில் தன்னுடைய மகன் ஆர்யனின் பிறந்தநாளை எளிமையாக வீட்டிலேயே கேக் வெட்டிக் கொண்டாடியுள்ளார். முதலில் ரஜினி என்பவரை திருமணம் செய்துகொண்ட நடிகர் விஷ்ணு விஷால் கடந்த 2018 இல் அவரிடமிருந்து விவாகரத்துப் பெற்றார். மேலும் இந்த ஜோடிக்கு ஆர்யன் என்ற மகன் இருப்பதும் குறிப்பிடத்தக்கது. இவரின் பிறந்த நாளைத்தான் தற்போது நடிகர் விஷ்ணு விஷால் கொண்டாடி வருகிறார்.
மேலும் கடந்த 2020 நடிகை ஜுவாலா கட்டாவுடன் நடிகர் விஷ்ணு விஷால் இரண்டாவது திருமணம் செய்து கொண்டதும் குறிப்பிடத்தக்கது. இந்நிலையில் இன்று எனக்கு ஸ்பெஷலான நாள். இது என் குழந்தை ஆர்யனின் பிறந்தநாள் மற்றும் நான் அவருடன் குறைந்த நேரத்தையே செலவிட முடிந்தது. சுற்றி ஓடுவது பலன்தரும் என நினைக்கிறேன் என நெகிழ்ச்சிப் பொங்க அவர் இன்ஸ்டாவில் பதிவிட்டுள்ளார்.