நடிகர் விஷ்ணு விஷால் தனது அடுத்த படத்தின் சூப்பர் அப்டேட்டை வெளியிட்டுள்ள நிலையில் அது குறித்த புகைப்படம் இணையத்தில் வைரலாகி வருகிறது.

தமிழ் சினிமாவின் இளைய தலைமுறை நடிகர்களில் ஒருவரான விஷ்ணு விஷால், ராம்குமார் நடிப்பில் உருவான ’ராட்சசன்’ என்ற வெற்றி படத்திற்கு நடித்த பின்னர் முன்னணி நடிகர்களின் பட்டியலில் இடம் பெற்றுள்ளார் என்பது தெரிந்தது.

இந்த நிலையில் ’ராட்சசன்’ படத்திற்கு பிறகு இயக்குனர் ராம்குமார் ஐந்து ஆண்டுகள் கழித்து மீண்டும் விஷ்ணு விஷாலுடன் இணைந்து ஒரு படத்தை இயக்கி வருகிறார் என்பதையும் இந்த படத்தை சத்யஜோதி பிலிம்ஸ் நிறுவனம் தயாரித்து வருகிறது என்பதையும் ஏற்கனவே பார்த்தோம்.

இந்த நிலையில் இந்த படத்தின் இரண்டு கட்ட படப்பிடிப்புகள் ஏற்கனவே முடிவடைந்து விட்ட நிலையில் தற்போது கொடைக்கானலில் மூன்றாம் கட்ட படப்பிடிப்பு நடைபெற்று வருவதாக விஷ்ணு விஷால் தனது சமூக வலைதளத்தில் தெரிவித்துள்ளார். மேலும் அவர் ராம்குமார் உடன் கொடைக்கானலில் எடுத்த புகைப்படத்தை பகிர்ந்து உள்ள நிலையில் அந்த புகைப்படம் இணையத்தில் வைரல் ஆகி வருகிறது.

‘எதிர்பாராததை எதிர்பாருங்கள்’ என்று இந்த புகைப்படத்துக்கு கேப்ஷனாக குறிப்பிட்டுள்ள விஷ்ணு விஷால், மீண்டும் ராம்குமார் உடன் இணைந்துள்ளது தனக்கு மிகவும் மகிழ்ச்சி என தெரிவித்துள்ளார். இந்த படத்திற்கு மிகப்பெரிய எதிர்பார்ப்பு ஏற்பட்டுள்ளதால் இந்த படமும் ’ராட்சசன்’ படம் போடவே வெற்றி படமாக இருக்கும் என்று எதிர்பார்க்கப்படுகிறது.

On to the third schedule of #vv21 ..
With the master @dir_ramkumar at work ...
Expect the unexpected❤️#kodaikanal#vv21 @SathyaJyothi pic.twitter.com/xQVDXDfxAT

— VISHNU VISHAL - VV (@TheVishnuVishal) February 17, 2024