பிரபல இயக்குனர் பிரபுசாலமன் இயக்கத்தில், விஷ்ணு விஷால் நடிப்பில் உருவாகி வந்த ‘காடன்’ என்ற திரைப்படத்தின் படப்பிடிப்பு முடிவடைந்து தற்போது போஸ்ட் பணிகளும் இறுதிகட்டத்தில் உள்ளன

இந்த நிலையில் இந்த படத்தின் டிரைலர் சற்றுமுன் வெளியாகியுள்ளது. யானைகள் பரம்பரை பரம்பரையாக தங்கியிருக்கும் காட்டிற்குள் புகுந்து அந்த காட்டை அழித்து நகரமாக்க முயற்சிக்கும் அமைச்சர் ஒருவருக்கும் யானைகளை காப்பாற்ற துடிக்கும் ஒருவருக்கும் நடக்கும் போராட்டம் தான் இந்த படத்தின் கதை என்றும் ட்ரெய்லரில் இருந்து தெரிந்து கொள்ள முடிகிறது

விஷ்ணு விஷால் மற்றும் ராணா டகுபதி இருவரும் போட்டி போட்டுக்கொண்டு நடித்திருக்கிறார்கள் என்பது டிரைலரில் உள்ள காட்சிகளில் இருந்து தெரிய வருகிறது. அதே போல் ஜோயா ஹூசைன் மற்றும் ஸ்ரேயா ஆகிய இருவரும் அட்டகாசமாக நடித்துள்ளனர். டிரைலரின் இறுதியில் யானைகளின் வீட்டில் புகுந்து மனிதர்கள் அட்டகாசம்’ என்ற வசனம் உள்பட இந்த படத்தின் வசனங்கள் அனைத்துமே கூர்மையாக உள்ளது.

சாந்தனு மொயித்ரா இசையில் அசோக்குமாரின் ஒளிப்பதிவில் புவன் படத்தொகுப்பில் உருவாகியுள்ள இந்த திரைப்படத்தை ஈராஸ் நிறுவனம் பெரும் பொருட்செலவில் தயாரித்துள்ளது. இந்த திரைப்படம் மார்ச் 26ஆம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது என்பது குறிப்பிடத்தக்கது.