சத்தம் போடாம கத்து.. விஷ்ணுவர்தனின் 'நேசிப்பாயா' டீசர் ரிலீஸ்..
- IndiaGlitz, [Tuesday,September 24 2024]
நீண்ட இடைவெளிக்கு பின்னர் விஷ்ணுவர்தன் இயக்கத்தில் உருவான ‘நேசிப்பாயா’ என்ற படத்தின் டீசர் சற்று முன் இணையத்தில் வெளியாகி வைரல் ஆகி வருகிறது.
அஜித் நடித்த பில்லா, ஆரம்பம் உள்பட பல சூப்பர் ஹிட் படங்களை இயக்கிய விஷ்ணுவர்தன் ‘நேசிப்பாயா’ என்ற படத்தை இயக்கி வந்தார் என்பதும், இந்த படத்தின் படப்பிடிப்பு சமீபத்தில் முடிவடைந்ததாக செய்திகள் வெளியானது என்பதையும் ஏற்கனவே பார்த்தோம்.
இந்த படத்தில் நடிகர் முரளியின் சகோதரர் ஆகாஷ் முரளி ஹீரோவாக நடிக்கும் நிலையில், அதிதி சங்கர் ஹீரோயினாக நடிக்கிறார். மேலும் சரத்குமார், பிரபு, குஷ்பூ, ராஜா உள்ளிட்ட பலர் இந்த படத்தில் நடிக்க, யுவன் சங்கர் ராஜா இசையமைத்துள்ளார்.
இந்த படத்தின் டீசர் சற்று முன் வெளியாகி, இணையத்தில் வைரல் ஆகி வருகிறது. ஒரு நிமிடத்திற்கு மேல் உள்ள இந்த டீசர், தற்போது ரசிகர்கள் மத்தியில் வரவேற்பு பெற்று வருகிறது என்பது குறிப்பிடத்தக்கது.
ரொமான்ஸ் மற்றும் காமெடியாக ஆரம்பிக்கும் இந்த படத்தின் கதை, இரண்டாம் பாதியில் சீரியஸ் ஆக இருக்கும் என்பது டீசரில் இருந்து தெரிகிறது. இந்த படம் விஷ்ணுவர்த்தனின் இன்னொரு வெற்றி படமாக இருக்குமா என்பதை பொறுத்திருந்து பார்ப்போம்.