రీసెంట్‌గా విడుద‌లైన ల‌క్కున్నోడు చిత్రం ఆశించిన మేర విజ‌యం సాధించ‌క పోవ‌డంతో మంచు విష్ణు త‌న నెక్ట్స్ మూవీతో ఎలాగైనా స‌క్సెస్ కొట్టాల‌నే యోచ‌న‌లో ఉన్నాడు. అందుక‌నే త‌న‌తో దేనికైనా రెడీ, ఈడో రకం ఆడోర‌కం వంటి విజ‌యవంత‌మైన చిత్రాల‌ను తెర‌కెక్కించిన ద‌ర్శ‌కుడు జి.నాగేశ్వ‌ర‌రెడ్డితో సినిమా చేయ‌బోతున్నాడు.

అవుటండ్ అవుట్ కామెడి ఎంట‌ర్‌టైన‌ర్‌గా రూపొంద‌నున్న ఈ సినిమాకు ఆచారి ఆమెరికా యాత్ర అనే టైటిల్‌ను పరిశీలిస్తున్నార‌ట‌. బ్ర‌హ్మానందం ఈ చిత్రంలో కీల‌క‌పాత్ర‌లో క‌న‌ప‌డ‌తాడ‌ట‌. అదుర్స్ త‌ర‌హా కాన్సెప్ట్‌తో సినిమా ఉంటుందంటున్నారు సినీ వ‌ర్గాలు. ఈ సినిమా త్వ‌ర‌లోనే సెట్స్‌లోకి వెళ్ల‌నుంది. త్వ‌ర‌లోనే ఈ సినిమాకు సంబంధించిన ఇత‌ర వివ‌రాలు తెలిసే అవ‌కాశం ఉంది.