మంచు విష్ణు తండ్రి కాబోతున్నారు. మంచు విష్ణు, విరానికా దంప‌తుల‌కు నాలుగో సంతానం క‌ల‌గ‌నుంది. విరానికా తొలి కాన్సులో క‌వ‌ల పిల్ల‌ల‌కు జ‌న్మ‌నిచ్చిన సంగ‌తి తెలిసిందే. వారికి అరియానా, వివియానా అని పేర్లు పెట్టారు.

ఇప్పుడు ఈ ఇద్ద‌రు పిల్ల‌ల‌కు ఎనిమిది ఏళ్లు. ఆ త‌ర్వాత విష్ణు దంప‌తులు అవ్‌రామ్ అనే మ‌గ‌పిల్లాడికి జ‌న్మ‌నిచ్చారు. తాజాగా విరానికా మ‌రోసారి త‌ల్లి కాబోతున్నారు. ఈ విష‌యాన్ని విష్ణు సోష‌ల్ మీడియా ద్వారా వెల్ల‌డించారు.

'మ‌రోసారి తండ్రి కాబోతున్నాను. విరానికాకు న‌చ్చిన ప్ర‌దేశం నుంచి ఈ విష‌యాన్ని చెబుతున్నాను. అరియానా, వివియానా, అవ్‌రామ్‌కు తోడుగా మ‌రొక‌రు రాబోతున్నారు. వెయిట్ చేయ‌లేక‌పోతున్నాను' అని ఆయ‌న ట్వీట్ చేశారు. ఒక‌రిద్ద‌రు సంతానంతో ఆపుతున్న ఈ కాలంలో విష్ణు దంప‌తులకు పిల్ల‌ల‌పై ఉన్న మ‌మ‌కారం ఎలాంటిదో ఆయ‌న చేసిన ట్వీట్‌, ఆయ‌న రాసిన ప‌దాల్లో ఉన్న ఉత్సాహం చెప్ప‌క‌నే చెబుతున్నాయి.