క‌థానాయ‌కుడిగా మంచు విష్ణు కెరీర్ మొద‌లై 15 ఏళ్ళు పూర్త‌వుతోంది. ఈ ప్ర‌యాణంలో విజ‌యాల కంటే అప‌జ‌యాలే ఎక్కువ ఉన్న‌ప్ప‌టికీ.. న‌టుడిగా ఎప్ప‌టిక‌ప్పుడు నిరూపించుకునే ప్ర‌య‌త్నం చేస్తున్నారు. ఈ నేప‌థ్యంలోనే.. ఈ నెల 27న త‌న కొత్త చిత్రంతో ప్రేక్ష‌కుల ముందుకు రానున్నారు విష్ణు. ఆ చిత్ర‌మే 'ఆచారి అమెరికా యాత్ర'. జి.నాగేశ్వ‌ర్ రెడ్డి ద‌ర్శ‌క‌త్వంలో రూపొందిన ఈ సినిమాలో బ్ర‌హ్మానందం ఓ కీల‌క పాత్ర పోషించారు.

ఇదిలా ఉంటే.. ఏప్రిల్ నెల విష్ణుకి బాగానే అచ్చొచ్చింద‌నే చెప్పాలి. విష్ణు కెరీర్‌లో తొలి హిట్ చిత్రంగా నిలిచిన 'ఢీ' ఇదే నెల‌లో ప్రేక్ష‌కుల ముందుకు రాగా.. 'ఈడో ర‌కం ఆడో ర‌కం' కూడా ఇదే ఏప్రిల్‌లో సంద‌డి చేసింది. ఇక న‌టుడిగా మంచి పేరు తీసుకువ‌చ్చిన 'రౌడీ' చిత్రం కూడా ఇదే నెల‌లో రిలీజైంది. మ‌రి.. 'ఆచారి అమెరికా యాత్ర' కూడా ఆ ప‌రంప‌ర‌ని కొన‌సాగిస్తుందేమో చూడాలి. ఇదిలా ఉంటే.. మంచు విష్ణు న‌టిస్తున్న పొలిటిక‌ల్ డ్రామా 'ఓట‌ర్' కూడా ఈ ఏడాదిలోనే తెర‌పైకి రానుంది.