విష్ణుతో అమైరా...
- IndiaGlitz, [Sunday,November 29 2015]
త‌మిళ అనువాద చిత్రం అనేకుడు'తో తెరంగేట్రం చేసిన హీరోయిన్ అమైరా ద‌స్త‌ర్ ప్ర‌స్తుతం టాలీవుడ్‌లోకి కూడా అడుగు పెట్టింది. పూరి జ‌గ‌న్నాథ్ ద‌ర్శ‌క‌త్వంలో ఇషాన్ క‌థానాయ‌కుడుగా రూపొందుతోన్న చిత్రం రోగ్‌'లో ఓ హీరోయిన్‌గా అమైరా న‌టిస్తుంది. అలాగే ఇప్పుడు అమైరా మంచు విష్ణు చిత్రంలో న‌టించ‌డానికి రెడీ అవుతుంద‌ట. ఈ చిత్రంలో రాజ్ త‌రుణ్ మ‌రో హీరోగా క‌నిపించ‌నున్నాడు.
విష్ణు సరసన అమైరా హీరోయిన్‌గా న‌టిస్తుండ‌గా రాజ్‌త‌రుణ్ సరసన అవికాగోర్‌ను హీరోయిన్‌గా న‌టింప చేయాల‌ని ప్ర‌య‌త్నాలు జ‌రుగుతున్నాయట. ఒక‌వేళ అవికాగోర్‌కు కుద‌ర‌క‌పోతే హేబా ప‌టేల్‌ను అయినా ట్రాక్‌లో తీసుకు రావ‌డానికి ప్ర‌య‌త్నాలు జ‌రుగుతున్నాయి. దేనికైనా రెడీ, క‌రెంట్ తీగ డైరెక్ట‌ర్ ఈ చిత్రాన్ని తెర‌కెక్కించ‌నున్నాడు. రాజేంద్ర‌ప్ర‌సాద్ కీల‌క‌పాత్ర‌లో క‌నిపించ‌నున్నాడు. ఎ.కె.ఎంట‌ర్‌టైన్మెంట్స్ బ్యాన‌ర్‌పై అనీల్ సుంక‌ర ఈ చిత్రాన్ని నిర్మిచ‌నున్నాడ‌ట. త్వ‌ర‌లోనే ఈ సినిమా సెట్స్‌లోకి వెళ్ళ‌నుంది.