விஷ்ணுவிஷாலுடன் இணையும் பிரபல ஹீரோ!
- IndiaGlitz, [Saturday,March 16 2019]
நடிகர் விஷ்ணு விஷால் நடிப்பில் கடந்த ஆண்டு வெளியான 'ராட்சசன்' திரைப்படம் மிகப்பெரிய வெற்றி பெற்றதை அடுத்து அவர் தற்போது 'ஜகஜல கில்லாடி' என்ற படத்தில் நடித்து வருகிறார். 'வேலைன்னு வந்துட்டா வெள்ளைக்காரன்' 'படத்திற்கு பின் விஷ்ணு விஷால் நடிக்கும் இந்த படத்தை இயக்குனர் எழில் இயக்கி வருகிறார்.
இந்த நிலையில் சமீபத்தில் விஷ்ணுவிஷால் படப்ப்பிடிப்பின்போது எதிர்பாராதவிதமாக காயமடைந்தார். இதனால் கடந்த சில வாரங்களாக எந்தவித படப்பிடிப்புக்கும் செல்லாமல் ஓய்வு எடுத்தார். தற்போது அவர் முழுமையாக குணமடைந்துவிட்டதால் விரைவில் படப்பிடிப்பில் கலந்து கொள்ளவுள்ளார்.
இந்த நிலையில் பிரபல நடிகரும், தளபதி விஜய்யின் சகோதரரும் விஷ்ணுவின் நெருங்கிய நண்பர்களில் ஒருவருமான விக்ராந்துடன் இணைந்து விஷ்ணு விஷால் ஒரு படத்தில் நடிக்க இருப்பதாக அறிவித்துள்ளார். இந்த படம் குறித்த முழுமையான விபரங்கள் விரைவில் அறிவிக்கவுள்ளதாகவும் விஷ்ணுவிஷால் தனது சமூக வலைத்தள பக்கத்தில் தெரிவித்துள்ளார்.
Finally ...together....official announcement soon @vikranth_offl :)#FriendshipGoals pic.twitter.com/HfTp49a9nu
— VISHNU VISHAL - VV (@TheVishnuVishal) March 16, 2019