விஷால், சமந்தா நடிப்பில் பி.எஸ்.மித்ரன் இயக்கிய 'இரும்புத்திரை' திரைப்படத்தின் படப்பிடிப்பு மற்றும் போஸ்ட் புரடொக்சன்ஸ் பணிகள் சமீபத்தில் முடிவடைந்த நிலையில் இந்த படம் வரும் ஏப்ரலில் வெளியிட திட்டமிடப்பட்டுள்ளது.

இந்த நிலையில் இந்த படம் இன்று சென்சாருக்கு சென்றது. சென்சார் அதிகாரிகள் இந்த படத்தை பார்த்து படத்திற்கு 'யூ' சான்றிதழ் அளித்துள்ளனர். சென்சார் பணிகள் முடிவடைந்ததை அடுத்து இந்த படத்தின் அதிகாரபூர்வமான ரிலீஸ் தேதி விரைவில் அறிவிக்கப்படும் என தெரிகிறது.

மேஜர் கதிரவன் கேரக்டரில் விஷாலும் சைக்காலஜி டாக்டர் ரதிதேவி கேரக்டரில் சமந்தாவும் நடித்துள்ள இந்த படத்தில் ஆக்சன்கிங் அர்ஜூன் வில்லனாக நடித்துள்ளார். மேலும் இந்த படத்தில் மார்ஷியல் நிபுணர் ஜெர்மி ரோஸ்கி, டெல்லி கணேஷ், ரோபோ சங்கர் உள்ளிட்ட பலர் நடித்துள்ளனர்.  யுவன்சங்கர் ராஜா இசையமைத்துள்ள இந்த படத்தை விஷால் பிலிம்பேக்டரி நிறுவனம் தயாரித்துள்ளது.