கடந்த மார்ச் மாதம் 1ஆம் தேதியில் இருந்து தமிழ் திரைப்பட தயாரிப்பாளர் சங்கம் நடத்திய வேலைநிறுத்தம் 47 நாட்களாக வெற்றிகரமாக தொடர்ந்து, கடந்த செவ்வாய் அன்று நடத்தப்பட்ட பேச்சுவார்த்தைக்கு பின்னர் முடிவுக்கு வந்தது.

இந்த நிலையில் நாளை முதல் புதிய படங்கள் ரிலீஸ் மற்றும் படப்பிடிப்புகள் தொடங்கும் என்று தயாரிப்பாளர் ச்ங்க தலைவர் விஷால் அறிவித்துள்ளார். நாளை கார்த்திக் சுப்புராஜின் 'மெர்க்குரி' உள்பட ஒருசில படங்கள் ரிலீஸ் ஆகின்றன.

இந்த நிலையில் வேலைநிறுத்த போராட்டத்தின் முடிவுக்கு பின்னர் முதல் சினிமா விழாவாக வரும் 25ஆம் தேதி சென்னையில் கார்த்திக், கவுதம் கார்த்திக் நடித்த Mr.சந்திரமெளலி என்ற படத்தின் இசை வெளியீட்டு விழா நடைபெறவுள்ளது. இந்த விழாவில் விஷாலும் கலந்து கொள்ளவுள்ளார் என்பது குறிப்பிடத்தக்கது.

கார்த்திக், கவுதம் கார்த்திக், ரெஜினா, வரலட்சுமி சரத்குமார், சந்தோஷ் பிரதாப், சதீஷ், மகேந்திரன், அகத்தியன், மிமி கோபி உள்பட பலர் நடித்துள்ள இந்த படத்திற்கு விக்ரம் வேதா' புகழ் சாம் சி.எஸ் இசையமைத்துள்ளார். இயக்குனர் திரு இயக்கியுள்ள இந்த படம் விரைவில் வெளியாகவுள்ளது.