படப்பிடிப்பில் விஷால் படுகாயம்: டாக்டர்கள் விரைந்தனர்
- IndiaGlitz, [Monday,August 07 2017]
பிரபல இயக்குனர் மிஷ்கின் இயக்கத்தில் விஷால் நடித்து வரும் 'துப்பறிவாளன்' படத்தின் கிளைமாக்ஸ் படப்பிடிப்பு கடந்த சில நாட்களாக நடைபெற்று வருகிறது.
அதிரடி சண்டைக்காட்சிகளுடன் நடந்து வரும் இந்த படப்பிடிப்பில் விஷால் டூப் இன்றி நடித்து வருகிறார். இந்த நிலையில் சற்றுமுன்னர் விஷாலுக்கு படப்பிடிப்பின்போது காலில் ஏற்பட்டதாகவும், அவருக்கு சிகிச்சை அளிக்க மருத்துவர் குழு ஒன்று படப்பிடிப்பு தளத்திற்கு விரைந்து கொண்டிருப்பதாகவும் தகவல்கள் வெளிவந்துள்ளது. மருத்துவர்களின் பரிசோதனைக்கு பின்னரே படப்பிடிப்பு தொடருமா? என்பதை உறுதி செய்ய முடியும் என்று படக்குழுவினர் தெரிவித்துள்ளனர்.
கணியன் பூங்குன்றனார் என்ற கேரக்டரில் விஷால் நடித்துள்ள இந்த படத்தில் பிரசன்னா, வினய், அனு இமானுவேல், ஆண்ட்ரியா, கே.பாக்யராஜ், தலைவாச விஜய் உள்பட பலர் நடித்துள்ளனர். அரோல் கரோலி இசையமைத்துள்ள இந்த படத்தை விஷால் பிலிம் பேக்டரி நிறுவனம் தயாரித்து வருகிறது.